ବୈଦାଖିଆ ଆଶ୍ରମ ସ୍କୁଲରେ ବିର୍ସାମୁଣ୍ଡା ଜୟନ୍ତୀ ପାଳିତ

ହାଟଡ଼ିହି,୧୬/୧୧: ହାଟଡ଼ିହି ବ୍ଲକ ଅନ୍ତର୍ଗତ ବୈଦାଖିଆ ଆଶ୍ରମ ସ୍କୁଲରେ ଜନଜାତି ଗୌରବ ଉତ୍ସବ ପାଳିତ ହୋଇଯାଇଛି l ବିଦ୍ୟାଳୟର ପ୍ରଧାନଶିକ୍ଷକ ମନ୍ମଥ ଜେନାଙ୍କ ସଂଯୋଜନାରେ କାର୍ଯ୍ୟକ୍ରମଟି ଅନୁଷ୍ଠିତ ହୋଇଥିଲା ବେଳେ ବହୁ ସଂଖ୍ୟାରେ ଅଭିଭାବକ ମାନେ ସାମିଲ ହୋଇଥିଲେ l ଏଥିରେ ମୁଖ୍ୟଅତିଥି ଭାବେ ବିଇଓ ରାଜୀବ ଦଳେଇ, ମୁଖ୍ୟବକ୍ତା ଭାବେ ଏବିଇଓ ପ୍ରମୋଦ କୁମାର ନାୟକ, ସମ୍ମାନିତ ଅତିଥି ଭାବେ ଭାରପ୍ରାପ୍ତ ଏବିଇଓ ପୂର୍ଣ୍ଣ ଚନ୍ଦ୍ର ଜେନା, ଶାସଙ୍ଗ କ୍ଲଷ୍ଟରର ସିଆରସିସି ଅଞ୍ଜନ କୁମାର ଦାସ, ପ୍ରଧାନ ଶିକ୍ଷକ ବିଷ୍ଣୁ ଚରଣ ଦାଶ, ଡବ୍ଲ୍ୟୁଇଓ ଆକାଶ କୁମାର ଜେନା, ସ୍କୁଲ ପରିଚାଳନା କମିଟିର ଚେୟାରମ୍ୟାନ ସୁଭଦ୍ରା ଖଟୁଆ ପ୍ରମୁଖ ଯୋଗ ଦେଇଥିଲେ l ଶିକ୍ଷୟିତ୍ରୀ ଗୌରୀଦତ୍ତା ମାଝୀ ମଞ୍ଚ ପରିଚାଳନା ସହ ରିପୋର୍ଟ କାର୍ଡ଼ ସୂଚନା ଦେଇଥିଲେ l ଶିକ୍ଷକ ଗଜେନ୍ଦ୍ର ପ୍ରସାଦ ଧାମୁଡ଼ିଆ ସରକାରୀ ଯୋଜନା ବିଷୟରେ ସୂଚନା ଦେଇଥିଲା ବେଳେ ଅମୀୟ ରଞ୍ଜନ ରାଉତ ସ୍କୁଲ ପିଲାଙ୍କ ସୁରକ୍ଷା ଓ ନିରାପତ୍ତା ସମ୍ପର୍କରେ ସୂଚନା ଦେଇଥିଲେ l ଜଗନ୍ନାଥ ବାରିକ ଜୀବନ ଦକ୍ଷତା ଉପରେ ସୂଚନା ଦେଇଥିଲେ l ବିର୍ସାମୁଣ୍ଡାଙ୍କ ଜୀବନଚର୍ଯ୍ୟା ଉପରେ ବିଇଓ  ଆଲୋକପାତ କରିଥିଲେ l ବିଦ୍ୟାଳୟର ଛାତ୍ରଛାତ୍ରୀମାନେ ଝୋଟି, ଚିତ୍ରାଙ୍କନ,ରଙ୍ଗୋଲି, ସୃଜନଶୀଳ ଲେଖନ, ତର୍କ ଆଦି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ l କାର୍ଯ୍ୟକ୍ରମରେ ଶିକ୍ଷାବିଭାଗ, ପ୍ରାଣୀ ବିଭାଗ, ଉଦ୍ୟାନ ବିଭାଗ, ମିଲେଟ୍ ମିଶନ ଓ ତହସିଲ ବିଭାଗ ଅଧିକାରୀ ମାନେ ସାମିଲ ହୋଇଥିଲେ l ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା l