ପ୍ରେସ୍ କ୍ଳବର ନୂତନ ବିଲ୍ଡିଂ ଉଦଘାଟିତ

ରାଇକିଆ,(ପ୍ରଦୀପ ବେହେରା)-କନ୍ଧମାଳ ଜିଲ୍ଲା ରାଇକିଆ ପ୍ରେସ୍ କ୍ଳବ୍ ର ନୂତନ ବିଲ୍ଡିଂ ମଙ୍ଗଳବାର ଉଦଘାଟିତ ହୋଇଯାଇଛି । ଜି ଉଦୟଗିରି ବିଧାୟକ ପ୍ରଫୁଲ୍ଲ ପ୍ରଧାନ ଯୋଗ ଦେଇ ଏହାକୁ ଉଦଘାଟନ କରିବା ସହ ସାଧାରଣ ଲୋକଙ୍କ ପାଇଁ ସାମ୍ବାଦିକ ମାନେ ନିର୍ଭୀକ ଭାବେ ସ୍ୱର କୁ ଶାଣିତ କରିବା ଆବଶ୍ୟକ ବୋଲି କହିବା ସହ ଆଜିର ଦିନରେ ଗଣତନ୍ତ୍ର ସୁଦୃଢ଼ ପାଇଁ  ନିରପେକ୍ଷ ସାମ୍ବାଦିକ ଙ୍କ ଭୂମିକା ଗୁରୁତ୍ଵ ପୂର୍ଣ୍ଣ ବୋଲି କହିଥିଲେ ।  ସାମ୍ୱାଦିକ ଙ୍କ ବିଭିନ୍ନ ଆବଶ୍ୟକତାକୁ ନେଇ କ୍ଳବ୍ ପକ୍ଷରୁ ବିଧାୟକ ଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ଏହି କାର୍ଯ୍ୟକ୍ରମ ରେ ଅତିଥି ମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷା ରିନା ପ୍ରଧାନ, ରାଇକିଆ ସରପଞ୍ଚ ଗୀତାଞ୍ଜଳି ନାୟକ, ଏମପି ପ୍ରତିନିଧି ସନ୍ତୋଷ ଲେଙ୍କା, ନାଏବ ସରପଞ୍ଚ ନିଥନୀୟଲ ନାୟକଙ୍କ ସମେତ ଆଡଭୋକେଟ ଶୁଶାନ୍ତ କୁମାର ଜେନା, ରାଜମୋହନ ଦିଗାଲ, ସାହାରା ସମ୍ପାଦକ ସୁକାନ୍ତ ନାୟକ, ସୁଧାଂଶୁ ପାଣିଗ୍ରାହୀ, ଦେବୀ ପ୍ରସାଦ ପଣ୍ଡା ,ବିଦ୍ୟାରତ୍ନ ମଣି ଦିଗାଲ, ବିଜୟ ପଣ୍ଡା, ବିଭୁଦତ୍ତ ବେହେରା, ସିଦ୍ଧାର୍ଥ ପତି, ଯୋଗେଶ୍ୱର ପାତ୍ର ପ୍ରମୁଖ ଯୋଗ ଦେଇଥିଲେ । ପ୍ରେସ କ୍ଳବ୍ ସଭାପତି ପ୍ରଦୀପ କୁମାର ବେହେରା, ସମ୍ପାଦକ ଆଦିତ୍ୟ ପ୍ରସାଦ ପାଢ଼ୀ, ଉପସଭାପତି ମୋସେସ ଦିଗାଲ, କୋଷାଧ୍ୟକ୍ଷ ବିରୂପାକ୍ଷ ପାତ୍ର, ରଜତ ନାୟକ, ଜଗଦିଶ ଦାସ, ପ୍ରମୋଦ ବେହେରା, ଦେବାନନ୍ଦ ନାୟକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।