୧୬ବର୍ଷରୁ କମ ବିଜୟ ମର୍ଚାଣ୍ଟ ଟୁର୍ଣ୍ଣାମେଣ୍ଟ ପାଇଁ ରାଜ୍ୟ କ୍ରିକେଟ ଦଳରେ ଅରବିନ୍ଦ 

 ନାଉଗାଁ, (ଓ୍ବାଇଏନଏସ) : ୧୬ବର୍ଷରୁ କମ ଓଡିଶା ରାଜ୍ୟ କ୍ରିକେଟ ଦଳରେ ସ୍ଥାନ ପାଇଛନ୍ତି ଜଗତସିଂହପୁର ଜିଲ୍ଲା ନାଉଗାଁ ବ୍ଲକର ଅରବିନ୍ଦ ମୁଦୁଲି । ମଧ୍ୟପ୍ରଦେଶର ଗ୍ବାଲିୟର ଠାରେ ଆରମ୍ଭ ହେଉଥିବା ବିସିସିଆଇ ଘରୋଇ ଟୁର୍ଣ୍ଣାମେଣ୍ଟ ବିଜୟ ମର୍ଚାଣ୍ଟ ଟ୍ରଫି ପାଇଁ ପ୍ରାରମ୍ଭିକ ବ୍ୟାଟର ଭାବେ  ଅରବିନ୍ଦ ୧୮ଜଣିଆ ଓଡିଶା ଦଳରେ ସ୍ଥାନ ପାଇଛନ୍ତି। ଅରବିନ୍ଦ ମାଷ୍ଟର୍ସ କ୍ଲବ ତରଫରୁ ପ୍ରତିନିଧିତ୍ଵ କରନ୍ତି। ନାଉଗାଁ ବ୍ଲକ ଶିଖର ପଂଚାୟତ ଅନ୍ତର୍ଗତ ଶାଳିଜଙ୍ଗା ଗ୍ରାମର ଜିତେନ୍ଦ୍ର ମୁଦୁଲି ଓ ଅମିତା ମହାନ୍ତି ପୁଅ ଅରବିନ୍ଦ। ସେ ଭୁବନେଶ୍ୱରସ୍ଥିତ ଲୟୋଲା ଓଡ଼ିଆ ବିଦ୍ୟାଳୟର ଦଶମ ଶ୍ରେଣୀର ଛାତ୍ର ଅଟନ୍ତି। ଏହି ସଫଳତା ନିମନ୍ତେ ସେ ତାଙ୍କ ବାପା ମାଆ ଓ ମାଷ୍ଟର୍ସ କ୍ଲବର ମୁଖ୍ୟ ପରିଚାଳକ ସହଦେବ ସେଠୀଙ୍କୁ ସମସ୍ତ ଶ୍ରେୟ ପ୍ରଦାନ କରିଛନ୍ତି। ତାଙ୍କର ଏହି ସଫଳତା ପାଇଁ ଜଗତସିଂହପୁର ଜିଲ୍ଲା କ୍ରିକେଟ ଆସୋସିଏସନ ସଭାପତି ରଞ୍ଜୀବ ବିଶ୍ଵାଳ, ସଂପାଦକ ଅନିଲ କୁମାର ବିଶ୍ବାଳ, ରାଜ୍ୟ ବିଜେଡି ଉପସଭାପତି ଚିରଞ୍ଜିବୀ ବିଶ୍ବାଳ, ରାଜ୍ୟ କଂଗ୍ରେସ ଉପସଭାପତି ଲଲାଟେନ୍ଦୁ ମହାପାତ୍ର,ପଂଚାୟତ ସମିତି ଅଧ୍ୟକ୍ଷା ତୃଷ୍ଣା ଲେଙ୍କା, ଶିଖର ପଂଚାୟତ ସରପଞ୍ଚ କବିତା ନାୟକ,ବରିଷ୍ଠ କ୍ରୀଡା ସଂଗଠକ ସନ୍ତୋଷ କୁମାର ଦାସ, ଜିଲ୍ଲା କଂଗ୍ରେସ ସଭାପତି ଦେବପ୍ରସାଦ ନାୟକ, ମାଷ୍ଟର୍ସ କ୍ଲବର ସମ୍ପାଦକ ମହାଦେବ ସେଠୀ, ସଭାପତି ମନୋଜ ନାୟକ, କ୍ରୀଡାବିତ ରମାକାନ୍ତ ଚୌଧୁରୀ ବଦ୍ରି ମହାନ୍ତି, ଯୁବନେତା ପ୍ରଦିପ୍ତ ମହାପାତ୍ର ପ୍ରମୁଖଙ୍କୁ ଶୁଭେଚ୍ଛା ଜଣାଇଛନ୍ତି।