ଅବହେଳିତ ଅବସ୍ଥାରେ ଦେବଗିରି ଶୈବ ପୀଠ ଓ ପର୍ଯ୍ୟଟନ ସ୍ଥଳୀ

କଲ୍ୟାଣସିଂହପୁର (ଓ୍ବାଇଏନଏସ): ରାଜ୍ୟରେ ସରକାର ପରେ ସରକାର ପୁଣି ନୂତନ ସରକାର ଆସିଲା କିନ୍ତୁ ଦେବଗିରି ଶୈବପୀଠ ଓ ପର୍ଯ୍ୟଟନ ସ୍ଥଳୀର ମାନ୍ୟତା ପାଇଥିବାର ଭାଗ୍ୟ ବଦଳିଲା ନାହିଁ। ରାଜ୍ୟର ଐତିହାସିକ,ଆଧ୍ୟତ୍ମିକ, ସାଧନାର ପୀଠ ଦେବଗିରିକୁ ଶହ ଶହ ବର୍ଷରୁ ଯେମିତିକି ସେମିତି ରହିଛି ବୋଲି ପୂର୍ବରୁ ଆସୁଥିବା ଭକ୍ତ ଓ ମାନସିକଧାରୀ, ସାଧୁସନ୍ଥ, ଗବେଷକ ମୁହଁରୁ ଗୋଟିଏ କଥା କିଛି ବଦଳିନୀ ବରଂ ଅବ୍ୟବସ୍ଥାରେ ରହିଛି ବୋଲି ମତ ପ୍ରକାଶ କରୁଛନ୍ତି। ଏହି ଶୈବପୀଠ ଓ ପର୍ଯ୍ୟଟନ ସ୍ଥଳୀ ଉପରେ କଂଗ୍ରେସ, ବିଜେଡି ସରକାର ଓ ଗତ ସତର ମାସ ପୂର୍ବେ ଆସିଥିବା ନୂତନ ସରକାରଙ୍କ  ମନ୍ତ୍ରୀଙ୍କ ଦୃଷ୍ଟି ପଡିନଥିବା ବେଳେ ପ୍ରଶାସନିକ ଅଧିକାରୀଙ୍କ କୃପା ଦୃଷ୍ଠୀ ପଡିନଥିବା ଦୁର୍ଭାଗ୍ୟ ଜନକ ବୋଲି ଯିଏ ଆସୁଛି ସିଏ କହୁଛି। ବିଶେଷ କରି ବ୍ଲକ ଅଂଚର ନେତାଙ୍କ ଓ ଲୋକ ପ୍ରତିଧୀଙ୍କ ଅବହେଳାରୁ ଏଭଳି ହୋଇଛି ବୋଲି ଆସୁଥିବା ପର୍ଯ୍ୟଟକ ମତ ପ୍ରକାଶ କରଥାନ୍ତି।ପୂର୍ବେ ୨୦୧୯ ମସିହାରେ ତତ୍କାଳୀନ ଜିଲ୍ଲାପାଳ ଗୁହା ପୁନମ ତାପସକୁମାର ପର୍ଯ୍ୟଟନ ବିଭାଗ ପକ୍ଷରୁ ୭୨ ଲକ୍ଷ ଟଙ୍କା ପାହାଡ଼ ତଳେ ପରୀକ୍ରମା ପାଇଁ ଖର୍ଚ୍ଚ କରିଥିଲେ। ସେତେବେଳେ ଟେଣ୍ଡର ପାଇଥିବା ଠିକାଦାର ଠାରୁ କୁଆଡେ କିଏମାନେ ସିମେଣ୍ଟ, ଲୁହା ଛଡ଼ ଓ ଚିପ୍ସ ଡରା ହରା କରି ନେଇ ଯାଇଥିବାରୁ ଅତି ନିମ୍ନମାନର କାର୍ଯ୍ୟ ହୋଇଥିବା ଆଲୋଚନା ହେଉଛି। ପୁଣି ବ୍ଲକ, ଆଇ ଟି ଡିଏ ପକ୍ଷରୁ ମଧ କିଛି ଟଙ୍କା ଖର୍ଚ୍ଚ ହୋଇଥିଲେ ମଧ୍ୟ ତାର ଚିହ୍ନବର୍ଣ୍ଣ ନଥିବା ଅଭିଯୋଗ ହୋଇଛି। ଏମିତି ଅନେକ କାର୍ଯ୍ୟରେ ବହୁତ ବଡ଼ ଦୁର୍ନୀତି ହୋଇଛି ବୋଲି ଅଞ୍ଚଳବାସୀ ଅଭିଯୋଗ କରିଛନ୍ତି।ଏହି ଶୈବ ପୀଠକୁ ଉନ୍ନତି ପାଇଁ ପୂର୍ବ ସରକାର ଅବହେଳା କରି ଆସୁଥିଲେ ପରେ କୁଆଡେ ଠିକାଦାର ଙ୍କୁ ବଞ୍ଚେଇବା ପାଇଁ ୫ଟି ଯୋଜନାରେ ପ୍ରଥମେ ୧୨ ଲକ୍ଷ ଟଙ୍କା ଆସିଲା କେବଳ ପାହାଡ଼ ଉପରେ ତିନଟି ସ୍ଥାନରେ ଟିଣ ପକାଇ ସାରିଦେଲେ ଟଙ୍କା।ଏମିତି ରାଜନେତା ଅବହେଳା, ଲୋକ ପ୍ରତିନିଧି ଅବହେଳା ଓ ମନ୍ତ୍ରୀ ଅବହେଳା ସାଙ୍ଗକୁ ପ୍ରଶାସନର ଅବହେଳା ପାଇଁ ଆଜି ଏହି ଶୈବ ପୀଠ ଓ ପର୍ଯ୍ୟଟନ ସ୍ଥଳୀକୁ ପଚାରେ କିଏ ବୋଲି ପ୍ରଶ୍ନ ଉଠୁଛି।ଏହି ଶୈବ ପୀଠକୁ ବର୍ଷସାରା ଭକ୍ତ ଓ ପର୍ଯ୍ୟଟକ ହଜାର ହଜାର ସଂଖ୍ୟାରେ ଆସନ୍ତି କିନ୍ତୁ ଏଠି କୋଣସି ମୌଳିକ ସୁବିଧା ନାହିଁ। ଏହି ପାହାଡ଼କୁ ଥରେ ଯିଏ ଆସିବ ନିଶ୍ଚିତ ଆଉଥରେ ଆସିବା ପାଇଁ ନମ ବଳିବ କିନ୍ତୁ ସରକାର ଓ ପ୍ରଶାସନ କି ସ୍ଥାନୀୟ ପରିଚାଳନା କମିଟି ଦ୍ୱାରା କିଛି ସୁବିଧା ସୁଯୋଗ ନଥିବାରୁ ଲୋକେ ଆସନ୍ତି ଚାଲି ଯାଆନ୍ତି। ପାହାଡ଼ର ଉପରେ ପ୍ରକୃତିର ମନଲୋଭା ଦୃଶ୍ୟ ଠାକୁରଙ୍କ ମହିମା ଜଣେ ଭକ୍ତ କି ପର୍ଯ୍ୟଟକଙ୍କୁ ମନମହିନିଏ। କିନ୍ତୁ ପର୍ଯ୍ୟଟନ ବିଭାଗ ଏହାର ପ୍ରତି ଅଣଦେଖା କରୁଥିବାରୁ ଦେବଗିରି ପାହାଡ଼ରେ ଉନ୍ନତି ହୋଇ ପାରୁନି।୨୪ ବର୍ଷର ସରକାରଙ୍କ ଦୃଷ୍ଟି ଦେଇନଥିବା ବେଳେ ସତରମାସ ସରକାର କଣ କରୁଛନ୍ତି ଅନେଇ ବସିଛନ୍ତି ଅଞ୍ଚଳ ବାସୀ।