ବଞ୍ଚୋ ସରସ୍ଵତୀ ଶିଶୁ ମନ୍ଦିରରେ ବାର୍ଷିକ କ୍ରୀଡା
ହାଟଡିହି (ଓ୍ବାଇଏନଏସ): ବଞ୍ଚୋ ସରସ୍ଵତୀ ଶିଶୁ ମନ୍ଦିରରେ ଦୁଇଦିନ ଧରି ଚାଲିଥିବା ବାର୍ଷିକ କ୍ରୀଡା ପ୍ରତିଯୋଗିତା ଆଜି ଉଦଯାପିତ ହୋଇଯାଇଛି l ଉଦଘାଟନ ସମାରୋହାରେ ବଞ୍ଚୋ ଗ୍ରାମପଞ୍ଚାୟତର ସରପଞ୍ଚ ପ୍ରଶାନ୍ତ ରାଉତ ପତାକା ଉତ୍ତୋଳନ କରି ଅନୁଷ୍ଠାନିକ ଭାବେ ଉଦଘାଟନ କରିଥିଲେ। ବିଦ୍ୟାଳୟ ର ସଭାପତି ଚିନ୍ତାମଣି ରାଉତ, ସମ୍ପାଦକ କୃଷ୍ଣ ଚନ୍ଦ୍ର ରାଉତ, କୋଷାଧ୍ୟକ୍ଷ ମଦନ ମୋହନ ପାଢ଼ୀ, ସାଂସଦ ପ୍ରତିନିଧି ଜ୍ଞାନ ରଞ୍ଜନ ସାମନ୍ତ ସିଂହାର, ପ୍ରାକ୍ତନ ଶିକ୍ଷକ ଦୟାନିଧି ରାଉତ, ସମାଜସେବୀ ନନ୍ଦ କିଶୋର ନାୟକ ପ୍ରମୁଖ ଏହି କ୍ରୀଡା ଉତ୍ସବ ରେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ପ୍ରଧାନ ଆଚାର୍ଯ୍ୟ ରାଜେନ୍ଦ୍ର କୁମାର ଜେନା ବାର୍ଷିକ କ୍ରୀଡାର ଶପଥ ପାଠ କରାଇବା ସହିତ ବିଦ୍ୟାଳୟ ର ସମସ୍ତ ଗୁରୁଜୀ ଗୁରୁମା ମାନେ ଖେଳ ପରିଚାଳନା କରିଥିଲେ। ଛାତ୍ରଛାତ୍ରୀ ଙ୍କ ମଧ୍ୟରେ ଲମ୍ବଡିଆଁ , ଉଚଡିଆଁ, ଦୌଡ଼ ପ୍ରତିଯୋଗିତା , ଟିକି ଟିକି ଶିଶୁ ଭାଇଭଉଣୀ ମାନଙ୍କ ପାଇଁ ବେଲୁନ ଫଟା , ବାଟି ଖୋଜା, ବଲଫିଙ୍ଗା ଇତ୍ୟାଦି ଖେଳ ଅନୁଷ୍ଠିତ ହୋଇଥିଲା।


