ବିଧାୟକଙ୍କ ଦ୍ୱାରା ବିଭିନ୍ନ ପ୍ରକଳ୍ପ ନିର୍ମାଣ କାର୍ଯ୍ୟର ଶିଳାନ୍ୟାସ
ନାଉଗାଁ,(ଓ୍ବାଇଏନଏସ):ଜଗତସିଂହପୁର ଜିଲ୍ଲା ନାଉଗାଁ ବ୍ଳକର ବିଭିନ୍ନ ସ୍ଥାନରେ ବିଧାୟକ ଅମରେନ୍ଦ୍ର ଦାସ ରବିବାର ବିଭିନ୍ନ ପ୍ରକଳ୍ପ ନିର୍ମାଣ କାର୍ଯ୍ୟର ଶିଳାନ୍ୟାସ କରିଛନ୍ତି। ଏହି କାର୍ଯ୍ୟକ୍ରମରେ ଜଗତସିଂହପୁରସ୍ଥିତ ଗ୍ରାମ୍ୟ ଉନ୍ନୟନ ବିଭାଜନ ପକ୍ଷରୁ ଅଲଣାହାଟ ସରକାରୀ ହୋମିଓପାଥିକ୍ ଚିକିତ୍ସାଳୟ ଗୃହ ଓ ସରକାରୀ ହୋମିଓପାଥିକ୍ ଚିକିତ୍ସାଳୟ ପାଚେରୀ ରହିଥିବା ବେଳେ ନାଉଗାଁ ପଂଚାୟତ ସମିତି କାର୍ଯ୍ୟାଳୟ ପକ୍ଷରୁ ଅଲଣାହାଟ ଉଚ୍ଚ ବିଦ୍ୟାଳୟର ନୂତନ ଶ୍ରେଣୀ ଗୃହ ଓ ମଧୁପୁର ପ୍ରାଥମିକ ବିଦ୍ୟାଳୟର ନୂତନ ଶ୍ରେଣୀ ଗୃହ ରହିଛି। ଏହି କାର୍ଯ୍ୟକ୍ରମରେ ବିଧାୟକ ଦାସଙ୍କ ସହିତ ଜିଲ୍ଲା ପରିଷଦ ସଭ୍ୟା ଅମିତା ସ୍ୱାଇଁ,ସହକାରୀ ଯନ୍ତ୍ରୀ ରମାକାନ୍ତ ମିଶ୍ର, ହୋମିଓପାଥିକ୍ ଚିକିତ୍ସିକା ଡାକ୍ତର ତୁଷାରକାନ୍ତି ଦାଶ, ସମିତି ସଭ୍ୟା ସାଗରିକା ଦାସ, ଅଲଣା ସରପଂଚ ଚନ୍ଦ୍ରମଣୀ ବେହେରା, ଅଲଣାର ପୂର୍ବତନ ସରପଂଚ ସୁଶାନ୍ତ କୁମାର ମଲ୍ଲିକ, ଯୁବନେତା ତାପସ ଦାସ, ବିଜେପି ନାଉଗାଁ ମଣ୍ଡଳ ପ୍ରତିନିଧି ବିଷ୍ଣୁଚରଣ ବେହେରା, ପ୍ରର୍ଶୁରାମ ଜେନା, ପ୍ରାକ୍ତନ ଶିକ୍ଷକ ରବିନ୍ଦ୍ର ଲେଙ୍କା, ରୋହିତ ଦାସ, ଯୁବନେତା ଲଲାଟ ଲେଙ୍କା, ହୋମିଓପାଥି ସହାୟିକା ମନ୍ଦାକିନୀ ସାହୁ, ପିଟିଏସ୍ ବୈଷ୍ଣବ ଚରଣ ପରିଡା, କର୍ମଚାରୀ ପ୍ରମୋଦ କୁମାର ବାରିକ, ଅଭିଜିତ୍ ରାୟ, ଅସିତ ଦାସ, ଅମ୍ବିକା ପ୍ରସାଦ ମହାନ୍ତି, ଶିବ ମଲ୍ଲିକ, ମଧୁପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କାଣ୍ଡି, ସୁବ୍ରତ ମଲ୍ଲିକ ପ୍ରମୁଖ ଉପସ୍ଥିତ ଥିଲେ।


