ଚୋରାବାଲି ବୋଝେଇ ଟିପ୍ପର ଜବତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା ): ଗଜପତି ଜିଲ୍ଲା ଖଣି ବିଭାଗ ପକ୍ଷରୁ ପାରଳାଖେମୁଣ୍ଡି ସହର ଉପକଣ୍ଠରେ ଥିବା ବେତାଗୁଡା ଅଞ୍ଚଳରେ ଚୋରା ବାଲି ଚାଲାଣ କରାଯାଉଥିବା ବେଳେ ଏକ ଟିପ୍ପରକୁ ଜବତ କରାଯାଇଛି। ଜବତ ଟିପ୍ପରରୁ 4 ଲକ୍ଷ ଟଙ୍କାରୁ ଜରିମାନା ଆଦାୟ କରାଯାଇଥିବା ସୂଚନା ମିଳିଛି। କୌଣସି ସୂତ୍ରରୁ ଏହି ଚୋରା ବାଲିଚାଲାଣ ଖବର ପାଇବା ସଙ୍ଗେ ସଙ୍ଗେ ଖଣି ବିଭାଗ ଅଧୂକାରୀ ଦିପେନ ପରିଡା ଓ ତାଙ୍କ ଟିମ ଘଟଣାସ୍ଥଳରେ ପହଞ୍ଚି ଟିପ୍ପରକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟର ବାଲି ଚାଲାଣ ସମ୍ବନ୍ଧୀୟ କୌଣସି ଦସ୍ତାବିଜ ନ ଥିଲା. ଟିପ୍ପର  ଚାଳକ ଟିପ୍ପରକୁ ଅଟକ ରଖାଯାଇ ୪ ଲକ୍ଷ ଟଙ୍କା ଜରିମାନା ଭରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ଏଥିରେ ଟିପ୍ପର ମାଲିକ ୪ ଲକ୍ଷ ଟଙ୍କା ଜରିମାନା ପ୍ରଦାନ କରିବା ପରେ  ଅଟକ ରଖାଯାଇଥିବା ଟିପ୍ପରକୁ ଛାଡିଦେଇଥିବା ଜିଲ୍ଲା ଖଣି ଅଧିକାରୀ ଦୀପେନ ପରିଡ଼ା ସୂଚନା ଦେଇଛନ୍ତି। ଏହି ବାଲି କେ.ସୀତାପୁର ଅଞ୍ଚଳରୁ ବେତାଗୁଡା ସ୍ଥିତ ଏକ ସ୍ଥାନକୁ ବାଲିଚାଲାଣ ହେଉଥିବା ଜଣାପଡ଼ିଛି।