ମହେନ୍ଦ୍ରଗିରି ମେଳାରେ କୋହଲା ନୃତ୍ୟ

 ଛତ୍ରପୁର(ଓ୍ବାଇଏନଏସ): ପର୍ଶୁରାମ କ୍ଷେତ୍ର ମହେନ୍ଦ୍ରଗିରିର  ଅପୂର୍ବ ପ୍ରାକୃତିକ ସୌନ୍ଦର୍ଯ୍ୟ ଓ ସବୁଜିମାଭରା ବନରାଜି ମଧ୍ୟରେ  କୋହଲା ନୃତ୍ୟ ମାଧ୍ୟମରେ ପରାମ୍ପରିକ କଳାକାର ମାନେ ଶ୍ରୀହରିଙ୍କ ଗୁଣଗାନ କରିଛନ୍ତି l ମହେନ୍ଦ୍ର ପର୍ବତରେ ପ୍ରସିଦ୍ଧ ଶୈବପୀଠ ରେ ଚାଲିଥିବା ମହେନ୍ଦ୍ର ମେଳା,ଯଜ୍ଞ  ଏବଂ ଧାର୍ମିକ ଓ  ସାଂସ୍କୃତିକ  ମହୋତ୍ସବରେ  ପ୍ରବଳ ଜନସମାଗମ l ଏଥିରେ ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ଅନ୍ତର୍ଗତ ଘଡଘଡାପଲ୍ଲୀ ସ୍ଥିତ(ଆଇ ଆର ଇ ଛକ)ଶ୍ରୀ ଶ୍ରୀ ଲକ୍ଷ୍ମୀ ନୃସିଂହ କାମିନି ଦାସୁଡୁ ସତ୍ୟମ ସେବା ନୃତ୍ୟ କଳା କେନ୍ଦ୍ର ପକ୍ଷରୁ ସଭାପତି ତଥା କଳା ରତ୍ନ ଏବଂ ଜୟଦେବ ପୁରସ୍କାର ପ୍ରାପ୍ତ ବଡ ଦାସୁଡୁ ଡ଼କ୍ଟର  ଆର୍‌. ସତ୍ୟମ ରେଡ୍ଡୀ ଏବଂ ତାଙ୍କ  କଳାକାର ( ଶିଷ୍ୟ) ମାନେ ସାମିଲ  ହୋଇ ପରମ୍ପରା ଓ ଆଧ୍ୟାତ୍ମିକ ଚେତନା ସୃଷ୍ଟି କରିଛନ୍ତି  l   ପାହାଡ଼ ଶୀର୍ଷ ରେ  କୋହଲା ନୃତ୍ୟ ର ତାଳେ ତାଳେ  ହରହର ମହାଦେବଙ୍କ ଧ୍ୟାନ କରିବା ସହିତ ଦାସୁଡୁ ନୃତ୍ୟଗୁରୁ  ଡ଼କ୍ଟର ଆର ସତ୍ୟମ୍ ରେଡ୍ଡୀଙ୍କ ନେତୃତ୍ୱ ରେ ୨୭ ଜଣ ଶିଷ୍ୟମାନେ  ଭକ୍ତଗଣ ଙ୍କୁ ଚମତ୍କୃତ୍ କରିଦେଇଥିଲା । ଅଗ୍ନି ମଶାଲ ଅବା କୋହଲା ନୃତ୍ୟ ପ୍ରଦର୍ଶନରେ ଏହି ଭକ୍ତିବାଦର ଦଳ ସମୂହ ଙ୍କ ନୃତ୍ୟ, ବାଦ୍ୟ, ଝାଞ୍ଜରେ  ରେ ମୁଖରୀତ ହୋଇ ଉଠିଥିଲା । ସମସ୍ତେ ଶ୍ରୀ ହରି ଙ୍କ ଭକ୍ତିଭାବାପ୍ନରେ ମଜ୍ଜି ଯାଇଥିଲେ ।