ଗଜପତିର ଅଁଳାବର ଗ୍ରାମବାସୀଙ୍କ ପାଇଁ ରାସ୍ତାଘାଟ, ପାନୀୟ ଜଳ, ବିଦ୍ୟୁତ ସେବା ପାଲଟିଛି ସାତସପନ

ପାରଳାଖେମୁଣ୍ଡି, ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲା ରାୟଗଡ ବ୍ଲକ କୁମୁଳାସିଂ ଗ୍ରାମ ପଂଚାୟତର ଅଁଳାବର ଗ୍ରାମରେ ଆଜି ପର୍ଯ୍ୟନ୍ତ ପହଁଚି ପାରିନି  ରାସ୍ତାଘାଟ, ବିଦ୍ୟୁତ ସେବା, ପାନୀୟ ଜଳ ଆଦି ମୌଳିକ ସୁବିଧା. ଏହି  ଗ୍ରାମବାସୀମାନଙ୍କ ପାଇଁ ଏସବୁ ବର୍ତ୍ତମାନ ପର୍ଯ୍ୟନ୍ତ ସାତସପନ ପାଲଟିଛି. ଅନ୍ଧକାରରେ କାଳାତିପାତ କରୁଛନ୍ତି ଏହି ଗ୍ରାମର ବାସିନ୍ଦା l ସତେ ଯେମିତି ଏହି ଗ୍ରାମର  ବାସିନ୍ଦା  ଗୋଟିଏ ପ୍ରକାର ଅଭିଶପ୍ତ ଜୀବନଜାପନ କରୁଛନ୍ତି l ଏହି ଗାଁକୁ ନାହିଁ ଉତ୍ତମ ପକ୍କା ରାସ୍ତା.  ନା ରହିଛି ବିଶୁଦ୍ଧ ପାନୀୟ ଜଳଯୋଗାଣ. ନା ପହଁଚିଛି ବିଦ୍ୟୁତ ସେବା. ନା ପହଞ୍ଚି ପାରୁଛି ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନା.  ଛୋଟ ଛୋଟ ପିଲାମାନେ ଘନ ଜଙ୍ଗଲ ମଧରେ ବିପଦପୂର୍ଣ୍ଣ ରାସ୍ତାରେ ମଧ୍ୟ୍ୟରେ ସ୍କୁଲକୁ ଯାତାୟାତ କରିଥାନ୍ତି l ବର୍ତ୍ତମାନ ସୁଦ୍ଧା ବିଦ୍ୟୁତ ସେବା ଏହି ଗ୍ରାମରେ ପହଞ୍ଚି ନଥିବା ଯୋଗୁଁ ଡିବିରି ଆଲୁଅରେ ଗ୍ରାମର ଛାତ୍ରଛାତ୍ରୀମାନେ ପାଠ ପଢୁଥିବା ଗ୍ରାମବାସୀ କହିଛନ୍ତି l ରାସ୍ତା ନ ଥିବା କାରଣରୁ ରୋଗୀଙ୍କୁ ଦୋଳାରେ  ବୁହା ହୋଇ ନେଉଥିବା ଗ୍ରାମବାସୀ ପ୍ରକାଶ କରି କହିଛନ୍ତିଯେ, ରାସ୍ତାଘାଟ, ବିଦ୍ୟୁତ ସେବା, ପାନୀୟ ଜଳଯୋଗାଣ ଆଦି ନେଇ ପଞ୍ଚାୟତସ୍ତରରୁ ଆରମ୍ଭ କରି ଜିଲ୍ଲାସ୍ତର ପର୍ଯ୍ୟନ୍ତ ବହୁ ଥର ଜଣାଇ ଆସୁଥିଲେ ସୁଦ୍ଧା କୌଣସି ପ୍ରତିକାର ବ୍ୟବସ୍ଥା କରାଯାଇନାହିଁ.