ଚାପୁଣ୍ଡିଆରେ ମୁକ୍ତେଶ୍ୱର ମନ୍ଦିରର ରତ୍ନମୁଦ ପ୍ରତିଷ୍ଠା ଉତ୍ସବ
ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ସମଣା ପଞ୍ଚାୟତ ଅଧିନସ୍ଥ ଚାପୁଣ୍ଡିଆ ଗ୍ରାମରେ ନବ ନିର୍ମିତ ମୁକ୍ତେଶ୍ୱର ମହାଦେବଙ୍କ ମନ୍ଦିରର ରତ୍ନମୁଦ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ପଣ୍ଡିତ ବୃନ୍ଦାବନ ନନ୍ଦ, ପତିତପାବନ ନନ୍ଦ, ଚିନ୍ତାମଣି ନନ୍ଦ, ଜଗତୀଜବନ ପଣ୍ଡାଙ୍କ ବେଦମନ୍ତ୍ରରେ ଏହି ପ୍ରତିଷ୍ଠା ଉତ୍ସବ କାର୍ଯ୍ୟ ସମ୍ପାଦାନ ହୋଇଥିବାବେଳେ ପୁର୍ଣ୍ଣଚନ୍ଦ୍ର ନାୟକ ଓ କମଳା ନାୟକ କର୍ତ୍ତା ଭାବେ ପୂଜାକାର୍ଯ୍ୟରେ ସାମିଲ ହୋଇଥିଲେ । ଜିଲ୍ଲାପରିଷଦ ସଦସ୍ୟ ବିମ୍ବାଧର ବିଶ୍ୱାଳ, ସରପଞ୍ଚ ଜଗବନ୍ଧୁ କାଣ୍ଡି, ସାଂସଦ ପ୍ରତିନିଧି ନନ୍ଦୁ ଚରଣ ଜେନାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଏହି ପୂଜାକାର୍ଯ୍ୟରେ ସାମିଲ ହୋଇଥିଲେ । ଚାପୁଣ୍ଡିଆର ସମସ୍ତ ଗ୍ରାମବାସୀ ଏହି ପୂଜାକାର୍ଯ୍ୟ ପରିଚାଳନା କରିଥିଲେ ।
