ଠାକୁର ନିଗମାନନ୍ଦଙ୍କ ଗୃହବସାନ ଉତ୍ସବ
କେନ୍ଦ୍ରାପଡା,(ଯୁଗାବ୍ଦ ନ୍ୟୁଜ୍): କେନ୍ଦ୍ରାପଡା ବ୍ଲକ ଅନ୍ତର୍ଗତ ଭାଗବତପୁର ପଂଚାୟତର ବାଲିଆସ୍ଥିତ ବିଶିଷ୍ଟ ସମାଜସେବୀ ତଥା ତୁଳସୀ ଶାଖା ସଙ୍ଘର ପୂର୍ବତନ ସଭାପତି ବାଲିଆ ଅବସରପ୍ରାପ୍ତ ସରକାରୀ କର୍ମଚାରୀ ସଙ୍ଘର ପ୍ରାକ୍ତନ କାର୍ଯ୍ୟକାରୀ ସଭାପତି ସୂର୍ଗତ ଜାଗର ସାହୁଙ୍କ ଗୃହାସନ ନିଗମବିହାରରେ ପବିତ୍ର ଶିବରାତ୍ରୀ ଅବସରରେ ୮୨ତମ ଜନ୍ମ ଜୟନ୍ତୀ ଉପଲକ୍ଷେ ଶ୍ରୀ ଶ୍ରୀ ଠାକୁର ନିଗମାନନ୍ଦଙ୍କ ଗୃହବସାନ ଉତ୍ସବ ପାଳିତ ହୋଇଯାଇଛି । ଏହି ଉପଲକ୍ଷେ କେନ୍ଦ୍ରାପଡା ଜିଲ୍ଲା ସଙ୍ଘର ସମ୍ପାଦକ ନିତାଇ ଚାନ୍ଦଙ୍କ ପୈାରହିତ୍ୟରେ ଅନୁଷ୍ଠିତ ଉତ୍ସବରେ ପୁରୀସ୍ଥିତ ନିଳାଚଳ ସାରସ୍ୱତ ସଙ୍ଘର ପରିଚାଳକ ଶରତ ଚନ୍ଦ୍ର ସିଂଦେଓ ଅତିଥି ଭାବରେ ଯୋଗଦେଇ ଦେଶ ଓ ଜନତାର ହିତ ସାଧନ ନିମନ୍ତେ ସତମାର୍ଗରେ ପରିଚାଳିତ ହୋଇ ଭଗବତ କୃପାଲାଭ ସହ ଭଲ ମଣିଷ ହେବାକୁ ବିଭିନ୍ନ ପରାମର୍ଶ ଓ ହିତୋପଦେଶ ପ୍ରଦାନ କରିଥିଲେ । ତୁଳସୀ କ୍ଷେତ୍ର ଶାଖା ସଙ୍ଘର ସଭାପତି କାନନ ବିହାରୀ ସାହୁ ଶ୍ରୀ ଶ୍ରୀ ଠାକୁର ମହାରାଜାଙ୍କ ଷୋଡଶ ଉପଚାର ପୂଜା ସହ ସମସ୍ତ ପୂଜାସେବା କାର୍ଯ୍ୟ ସମ୍ପାଦନ କରିଥିବା ବେଳେ ଠାକୁର ପ୍ରେମୀ ଭକ୍ତମାନେ ନିଜ ନିଜର ଅଭିମତ ରଖିଥିଲେ । ଏହି ଉତ୍ସବକୁ ବାଲିଆ ବଜାର କମିଟି ସଭାପତି ପ୍ରମୋଦ କୁମାର ସାହୁ ସଂଯୋଜନା କରିଥିବା ବେଳେ ରାଜବାଳା ପରିବାରର ସମସ୍ତ ଭାଇ ଓ ମା’ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏହି ଉତ୍ସବରେ ଜିଲ୍ଲାର ବିଭିନ୍ନ ସ୍ଥାନରୁ ବହୁ ଆଶ୍ରମରୁ ଗୁରୁଭାଇ ଓ ମା’ମାନେ ଯୋଗଦେଇଥିଲେ ।
