ସାମାଜିକ ଦୁରତ୍ୱରେ ଉତ୍କଳ ଗୌରବ ମଧୁସୂଧନ ଦାସଙ୍କ ଜନ୍ମ ଜୟନ୍ତୀ ପାଳିତ

ନାଉଗାଁ (ଓ୍ବାଇଏନ୍ଏସ୍) : କରୋନାକୁ ନେଇ ସାରା ଦେଶରେ ଲକ ଡାଉନ । ଏହି ନିୟମକୁ ମାନି ସମସ୍ତେ ନିଜ ନିଜ ଘରେ ରହିବାକୁ ସରକାରୀ ନିର୍ଦ୍ଦେଶ ରହିଛି । ଏପରିକି ବାହାରେ କୌଣସି ଜରୁରୀ କାର୍ଯ୍ୟ ଥିଲେ ମୁହଁରେ ମାସ୍କ ପିନ୍ଧିବା ସହିତ ସାମାଜିକ ଦୁରତ୍ୱକୁ ମାନି ବାକୁ କଡା ନିର୍ଦ୍ଦେଶ ରହିଛି । ଏହି ସରକାରୀ ନିୟମକୁ ମାନି ନାଉଗାଁ ବ୍ଲକର କିଛି ôଯୁବ ସମାଜସେବୀଙ୍କ ଦ୍ୱାରା ବରପୁତ୍ରଙ୍କ ଜନ୍ମ ଦିବସକୁ ମଙ୍ଗଳବାର ପାଳନ କରାଯାଇଛି । ଏହି ଅବସରେ ନାଉଗାଁ ଶ୍ରୀ ଜଗନ୍ନାଥ ମହାବିଦ୍ୟାଳୟର ଅଧ୍ୟକ୍ଷ ଡଃ ଚାଇନା ପ୍ରଧାନଙ୍କ ଅଧ୍ୟକ୍ଷତାରେ ମଧୁବାବୁଙ୍କ ଜନ୍ମ ଜୟନ୍ତୀକୁ ମହାବିଦ୍ୟାଳୟ ପରିସର ମଧ୍ୟରେ ଥିବା ମଧୁ ବାବୁଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ ପାଳନ କରାଯାଇଥିଲା । ଏଥିରେ ମହାବିଦ୍ୟାଳୟ ପ୍ରାକ୍ତନ ସଭାପତି ସରୋଜ କୁମାର ଲେଙ୍କା, ସୌମ୍ୟସଂଜୀବ ଦାସ, ରାଜ୍ୟ ଛାତ୍ର କଂଗ୍ରେସ ସଂଯୋଜକ ସୁନିଲ ମାଟିଆ,ଗୋପବନ୍ଧୁ ଅଗ୍ରଗାମୀ ପରିଷଦର ସଂପାଦକ ପ୍ରସନ୍ନଜିତ ସାହୁ, ସାମ୍ବାଦିକ ଦେବଜ୍ୟୋତି ମହାନ୍ତି ଓ ପ୍ରଦୋଷ ମହାନ୍ତି ପ୍ରମୁଖ ଉପସ୍ଥିତ ରହି ପୁଷ୍ପମାଲ୍ୟ ଅର୍ପଣ କରିଥିଲେ ।