ଚୋରା ପୀରତି ଧରା ପଡିବାରୁ ଯୁବତୀ ନିଖୋଜ, ଥାନାରେ ଅଭିଯୋଗ

ହାଟଡ଼ିହି, : ହାଟଡିହି ବ୍ଲକ ଶିବନାରାୟଣପୁର ଗ୍ରାମରେ ଦୁଇଜଣ ଯୁବକ ଯୁବତୀଙ୍କ ଚୋରା ପିରତୀ ଧରାପଡିଯିବାରୁ ଯୁବତୀ ଜଣକ ନିଖୋଜ ହୋଇଯାଇଛନ୍ତି । ଏନେଇ ଯୁବତୀର ପିତା ଆନନ୍ଦପୁର ଥାନାରେ ଅଭିଯୋଗ କରିବାପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି । ଏହାକୁନେଇ ଯୁବତୀ ଓ ଯୁବକଙ୍କ ପରିବାର ମଧ୍ୟରେ ଉତ୍ତେଜନା ଲାଗି ରହିଛି । ଖବରରୁ ଜଣାଯାଇଛି ଗତକାଲି ବିଳମ୍ବିତ ରାତିରେ ଯୁବତୀଙ୍କ ବାଡିପଟେ ଯୁବତୀ ଓ ପଡୋଶି ଘରର ଜଣେ ଯୁବକ କଥାବାର୍ତ୍ତା ହେଉଥିବାବେଳେ ଯୁବତୀ ବାପା ଦେଖି ଦେଇ ଯୁବକକୁ ମାଡି ବସିଥିଲେ । ଏହି ଅବସରରେ ଯୁବତୀ ଜଣକ ଦୌଡି ପଳାଇଥିବାବେଳେ ଯୁବକ ଜଣକ କୌଶଳକ୍ରମେ ଖସି ପଳାଇଥିଲା । ତା ପରଠାରୁ ଯୁବତୀଙ୍କ ପରିବାର ଲୋକେ ଯୁବତୀକୁ ଖୋଜାଖୋଜି କରୁଥିଲେ ମଧ୍ୟ ଯୁବତୀର ସନ୍ଧାନ ମିଳିପାରିନି । ଏନେଇ ଯୁବତୀର ବାପା ଆନନ୍ଦପୁର ଥାନାରେ ଅଭିଯୋଗ କରିବାପରେ ଥାନା ଆଇଆଇସି ଗଗନ ବିହାରୀ ବିଶ୍ୱାଳ, ଏଏସଆଇ ବିମଳ ଚନ୍ଦ୍ର କାଲିଆ ପ୍ରମୁଖ ଗ୍ରାମରେ ପହଞ୍ଚି ତଦନ୍ତ ତଦନ୍ତ ଆରମ୍ଭ କରିଛି । ସଂପୃକ୍ତ ଯୁବକ ମଧ୍ୟ ଫେରାର ହୋଇଯାଇଛି । ଅନ୍ୟପଟେ ଏହି ଘଟଣାକୁ ନେଇ ଯୁବକର ପରିବାର ଓ ଯୁବତୀର ପରିବାର ମଧ୍ୟରେ ପାଟିତୁଣ୍ଡ ସହ ଉତ୍ତେଜନା ଲାଗି ରହିଛି ।