ବିଶ୍ୱଭାରତୀ ଭଲ୍ଲିବଲ ଟୁର୍ଣ୍ଣାମେଣ୍ଟ : ରମ୍ପାସ ଚମ୍ପିୟନ

ହାଟଡିହି, (ବିକାଶ ବିଶ୍ୱାଳ) :ହାଟଡିହି ବ୍ଲକ ଜମ୍ଭରା ଠାରେ ଚାଲିଥିବା ବିଶ୍ୱଭାରତୀ ଭଲ୍ଲିବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ବିଶ୍ୱଭାରତୀ କ୍ଲବ ପକ୍ଷରୁ ଚାଲିଥିବା ଏହି ଟୁର୍ଣ୍ଣାମେଣ୍ଟରେ ୮ଟି ଦଳ ଭାଗନେଇଥିବାବେଳେ ଫାଇଈନାଲ ମ୍ୟାଚରେ ରମ୍ପାସ ଟିମ ଇଞ୍ଚୋଳ ଟିମକୁ ୩-୦ରେ ପରାସ୍ତ କରି ଚମ୍ପିୟନ ହୋଇଛି । ଚିନ୍ତାମଣୀ ବେହେରା ରେଫେରୀ ଭାବେ ଖେଳ ପରିଚାଳନା କରୁଥିବାବେଳେ ବାମଦେବ ନାୟକ ଭାଷକାର ଭାବେ ଖେଳର ଧାରାବିବରଣୀ ପ୍ରଦାନ କରୁଥିଲେ । ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବେ ପୁର୍ବତନ ଜିଲ୍ଲା ବିଜେଡି ସଭାପତି ବିମ୍ବାଧର ବିଶ୍ୱାଳ, ସମ୍ନାନୀତ ଅତିଥି ଭାବେ ଯୁବ ବିଜେଡିର ଜିଲ୍ଲା ସମ୍ପାଦକ ତାରିଣୀ ପ୍ରସାଦ ସେନାପତି, ରମାକାନ୍ତ ନାୟକ, ସ୍ମୀତ ସେନାପତି, ସୁଦର୍ଶନ ମଲ୍ଲିକ ପ୍ରମୁଖ ଯୋଗଦେଇ ଚମ୍ପିୟନ ଓ ରନର୍ସଅପ ଦଳକୁ ପୁରସ୍କୃତ କରିଥିଲେ । ମନୋଜ ମଲ୍ଲିକ, ନରେନ୍ଦ୍ର ମୁଦୁଲି, ବଳରାମ ମହାନ୍ତି, ଆଶିଷ କୁମାର ମୁଦୁଲି, ପ୍ରକାଶ ନାୟକ, ପ୍ରତାପ ବାରିକ, ସୁଶାନ୍ତ ସେନାପତି, ଅବନୀକାନ୍ତ ମହାନ୍ତି ପ୍ରମୁଖ କ୍ଲବ ସଦସ୍ୟ ମାନେ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।