ସ୍ୱାମୀ ବିବେକାନନ୍ଦ ଶିକ୍ଷା କେନ୍ଦ୍ରର କୃତିତ୍ୱ

ବୁଗୁଡ଼ା, (ଅନିଲ କୁମାର ମହାରଣା) :-ବୁଗୁଡା ବ୍ଲକ ପଞ୍ଚମ ଶ୍ରେଣୀ ୨୦୨୧ ବୃତ୍ତି ପରୀକ୍ଷାରେ ମୋଟାବାଡ଼ି ଗ୍ରାମର ସ୍ୱାମୀ ବିବେକାନନ୍ଦ ଶିକ୍ଷା କେନ୍ଦ୍ରର ଜଣେ ଛାତ୍ର ଉତ୍କର୍ଷ ବୃତ୍ତି ପରୀକ୍ଷାରେ ପ୍ରଥମ ସ୍ଥାନ ଅଧିକାର କରିଥିବା ବେଳେ ଅନ୍ୟଜଣେ ଆର୍ଥିକ ଦୁର୍ବଳ ବୃତ୍ତିରେ ପ୍ରଥମ ସ୍ଥାନ ଅଧିକାର କରି ଶିକ୍ଷାନୁଷ୍ଠାନ ପାଇଁ ଗର୍ବ ଆଣିପାରିଛନ୍ତି । ପଞ୍ଚମ ଶ୍ରେଣୀ ମେରିଟ ସ୍କଲରସିପରେ ତ୍ରିପତି ବାଲାଜୀ ପ୍ରଧାନ ଓ ସୁମିତା କୁମାରୀ ପ୍ରଧାନ ଙ୍କ ସୁପୁତ୍ର ଶ୍ରୀମନ ମାତୃଦତ୍ତ ପ୍ରଧାନ ପ୍ରଥମ ସ୍ଥାନ ଅଧିକାର କରିବାର ଗୌରବ ଅର୍ଜନ କରିଛନ୍ତି । ସେହିପରି ପଞ୍ଚମ ଶ୍ରେଣୀ ମେରିଟ କମ ପ୍ରପର୍ଟି ସ୍କଲରସିପରେ ଲମ୍ବୋଦର ପ୍ରଧାନ ଓ ସୁନିତା ପ୍ରଧାନ ଙ୍କ କନ୍ୟାରତ୍ନ ଲିପ୍ସା ପ୍ରଧାନ ପ୍ରଥମ ସ୍ଥାନ ଅଧିକାର କରିଛନ୍ତି ।ବଣ ପାହାଡ଼ ଘେରା ନିହାତି ପଲ୍ଲୀ ଗ୍ରାମ ମୋଟାବାଡିର ଏକ ଘରୋଇ ଶିକ୍ଷାନୁଷ୍ଠାନର ଶ୍ରୀମନ ଓ ଲିପ୍ସା ପଞ୍ଚମ ଶ୍ରେଣୀ ବୃତ୍ତି ପରୀକ୍ଷାରେ ପ୍ରଥମ ସ୍ଥାନ ଅଧିକାର କରିଥିବା ଯୋଗୁ ଶିକ୍ଷାନୁଷ୍ଠାନର ପ୍ରଧାନ ଶିକ୍ଷକ ଗୌରହରି ପ୍ରଧାନଙ୍କ ସମେତ ଶିକ୍ଷକ ଶିକ୍ଷୟିତ୍ରୀ ବୃନ୍ଦ ଓ ଅଭିଭାବକ ବୃନ୍ଦ ଅଭିନନ୍ଦନ ଜଣାଇବା ସହ ଖୁସି ପ୍ରକାଶ କରିଛନ୍ତି ।