ଚତୁର୍ଥ ପର୍ଯ୍ୟାୟରେ କାଶୀନଗର ଓ ଗୁମ୍ମା ବ୍ଲକରେ ଶାନ୍ତି ପୂର୍ଣ୍ଣ ମତଦାନ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) :-ଆଜି ଗଜପତି ଜିଲ୍ଲାରେ ଚତୁର୍ଥପର୍ଯ୍ୟାୟ ମତଦାନ କାଶୀନଗର ଓ ଗୁମ୍ମା ବ୍ଲକରେ ଶାନ୍ତିପୂର୍ଣ୍ଣ ଭାବେ ଅନୁଷ୍ଠିତ ହୋଇଯାଇଛି । କାଶୀନଗର ବ୍ଲକର ୨ ଗୋଟି ଜିଲ୍ଲାପରିଷଦ ଜୋନ୍ ଅନ୍ତର୍ଗତ ୧୨ ଗ୍ରାମ ପଞ୍ଚାୟତର ୧୬୦ ମତଦାନ କେନ୍ଦ୍ର ଓ ଗୁମ୍ମା ବ୍ଲକର ୨ ଗୋଟି ଜିଲ୍ଲାପରିଷଦ ଜୋନ୍ ଅନ୍ତର୍ଗତ ୨୦ ଗ୍ରାମପଞ୍ଚାୟତର ୨୪୦ ମତଦାନ କେନ୍ଦ୍ରରେ ଜିଲ୍ଲା ପରିଷଦ ସଭ୍ୟ, ସମିତି ସଭ୍ୟ, ସରପଞ୍ଚ ଓ ୱାର୍ଡ ମେମ୍ବର ପଦବୀ ନିମନ୍ତେ ଭୋଟ ଗ୍ରହଣ ସୂଚାରୁ ରୂପେ ଗ୍ରହଣ ହୋଇଥିଲା । ଖବର ଲେଖା ହେବା ସୁଦ୍ଧା କାଶୀନଗର ବ୍ଲକରେ ୭୦ପ୍ରତିଶତ ଏବଂ ଗୁମ୍ମା ବ୍ଲକରେ ୭୩ ପ୍ରତିଶତ ମତଦାନ ହୋଇଥିବାର ଜଣାପଡିଛି । ଏହି ନିର୍ବାଚନ ପ୍ରକ୍ରିୟା କିପରି ଶାନ୍ତି ଶୃଙ୍ଖଳା ଓ ମୁକ୍ତ ଅବାଧ ନିର୍ବାଚନ ଅନୁଷ୍ଠିତ ହେଉଛି ତାହାର ତଦାରଖ କରିବାପାଇଁ ଜିଲ୍ଲା ନିର୍ବାଚନ ଅଧିକାରୀ ତଥା ଗଜପତି ଜିଲ୍ଲାପାଳ ଲିଙ୍ଗରାଜ ପଣ୍ଡା ବ୍ଲକର ବିଭିନ୍ନ ମତଦାନ କେନ୍ଦ୍ର ପରିଦର୍ଶନ କରିଥିବାର ଜଣାପଡିଛି । ବିଭିନ୍ନ ବୁଥ୍ ଗୁଡିକୁ ପରିଦର୍ଶନ କରି କିପରି ନିର୍ବାଚନ ପରିଚାଳନା ହେଉଛି ଆଦିକୁ ନେଇ ବିଭିନ୍ନ ତଥ୍ୟ ସମ୍ପର୍କରେ ପଚାରି ବୁଝିଥିଲେ । ଏହା ସହ ପୋଲିଂ ଅଧିକାରୀମାନଙ୍କ ସହ ଆଲୋଚନା ମଧ୍ୟ କରିଥିଲେ । ସେହିପରି ଊଭୟ ବ୍ଲକର ସଦର ଠାରେ ଥିବା ଷ୍ଟ୍ରଙ୍ଗରୁମ୍,ଭୋଟ ବକ୍ସ ବିତରଣ ଓ ଗ୍ରହଣ କେନ୍ଦ୍ରକୁ ଯାଇ ତଦାରଖ କରିଥିଲେ । ଜିଲ୍ଲାପାଳଙ୍କ ଏହି ଗସ୍ତ ସମୟରେ ବହୁ ଅଧିକାରୀ ଉପସ୍ଥିତଥିଲେ ।
