ଷ୍ଟେମ୍ ମେଳା ଅନୁଷ୍ଠିତ

ପାରଳାଖେମୁଣ୍ଡି, (ତାରିଣୀ ପଣ୍ଡା) :ପାରଳାଖେମୁଣ୍ଡି ସ୍ଥିତ ମହାରାଜା ବାଳିକା ଉଚ୍ଚ ବିଦ୍ୟାଳୟ ପ୍ରାଙ୍ଗଣ ରେ ଜିଲ୍ଲା ଶିକ୍ଷା ଅଧିକାରୀ ପ୍ରଦୋସ କୁମାର ନାୟିକଙ୍କ ନିର୍ଦେଶ କ୍ରମେ ଷ୍ଟେମ୍ ମେଳା ଅନୁଷ୍ଠିତ ହୋଇଥିଲା ।ଏହା ଜିଲ୍ଲା ଶିକ୍ଷା ବିଭାଗ (ଗଜପତି) , ଆଇବିଏମ୍ କ୍ବେଷ୍ଟ ଆଲାଇନ୍ସ ଏବଂ ରେଷ୍ଟଲେସ୍ ଡେଭଲପମେଣ୍ଟ (IBM,QUEST ALLIANCE ଏବଂ RESTLESS DEVELOPMENT) ର ମିଳିତ ଉଦ୍ୟମ ରେ ହୋଇଥିଲା । ଏହି ମେଳା ରେ ମୁଖ୍ୟ ଅତିଥି ଭାବେ ଏ. ଡି. ଓ ମନୋଜ ରଞ୍ଜନ ଦଳାଇ ଏବଂ ଜିଲ୍ଲା ବିଜ୍ଞାନ ନିରୀକ୍ଷକ ସାତ୍ମିକ୍ ପଟ୍ଟନାୟକ , ମହାରାଜା ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରଶାନ୍ତ କୁମାର ପ୍ରଧାନ, ପ୍ରୋଗ୍ରାମ ଅଫିସର (Restless Development) ସତ୍ୟନାରାୟଣ ମହାପାତ୍ର , ଏବଂ Youth facilitator ପ୍ରିୟଙ୍କା ପ୍ରିୟଦର୍ଶିନୀ ବେହେରା ମଧ୍ୟ ଉପସ୍ଥିତ ଥିଲେ ।ଏଥିରେ ଅଂଶ ଗ୍ରହଣ କରିବା ପାଇଁ ଶ୍ରୀ କୃଷ୍ଣଚନ୍ଦ୍ର ଗଜପତି ସରକାରି ଉଚ୍ଚ ବିଦ୍ୟାଳୟ, ଗୁରାଣ୍ଡି ଓ ବାରଣାସୀ ସରକାରୀ ଉଚ୍ଚ ବିଦ୍ୟାଳୟ ର ଛାତ୍ର ଛାତ୍ରୀ ଏବଂ ସହାୟକ ଶିକ୍ଷକ/ଶିକ୍ଷୟିତ୍ରୀ ଯୋଗଦେଥିଲେ । Stem ମେଳା ର ମୁଖ୍ୟ ଉଦ୍ଦେଶ୍ୟ ଥିଲା stem for girls ପ୍ରୋଗ୍ରାମ ର ବାର୍ଷିକ ପାଠ୍ୟକ୍ରମ ,କାର୍ଯ୍ୟସୂଚୀ , ପ୍ରକଳ୍ପର ପ୍ରତିଫଳନ କୁ ପ୍ରଦର୍ଶନ କରିବା । ଅତିଥି ମାନେ ଛାତ୍ରଛାତ୍ରୀ ଙ୍କ ଉଜ୍ଜ୍ୱଳ ଭବିଷ୍ୟତ କାମନା ସହ ପିଲାଙ୍କର ହାକାଥନ୍ ପ୍ରକଳ୍ପ କୁ ପ୍ରଶଂସା କରିଥିଲେ । ବିଦ୍ୟାଳୟ ପ୍ରଧାନ ଶିକ୍ଷକ stem ପ୍ରୋଗ୍ରାମ ଏବଂ ତାହାର ପରିଣାମ ବିଷୟରେ ସମ୍ୟକ୍ ସୂଚନା ପ୍ରଦାନ କରିଥିଲେ । ପ୍ରୋଗ୍ରାମ ଅଫିସର (Restless Development) ଶ୍ରୀ ମହାପାତ୍ର ଛାତ୍ର ଛାତ୍ରୀ ଙ୍କୁ ବୈଜ୍ଞାନିକ ଆଲବର୍ଟ ଆଇନଷ୍ଟାଇନ ଏବଂ ଗ୍ରହାମ୍ ବେଲ ଙ୍କ ଜୀବନଶୈଳୀ , ରୋଚକ ତଥ୍ୟ ସମ୍ବନ୍ଧ ରେ ସୂଚନା ପ୍ରଦାନ କରିବା ସହିତ ଜୀବନ ରେ ତାହାକୁ କିପରି ବ୍ୟବହାର କରିପାରିବ ସେ ବିଷୟରେ ଆଲୋଚନା କରିଥିଲେ । ଛାତ୍ର ଛାତ୍ରୀ ମାନେ ଏହି ପ୍ରୋଗ୍ରାମ ସହିତ ସାଂସ୍କୃତିକ କାର୍ଯ୍ୟକ୍ରମରେ ମଧ୍ୟ ଅଂଶ ଗ୍ରହଣ କରିଥିଲେ । ଯାହା ଲିଙ୍ଗଭିତ୍ତିକ ସଶକ୍ତିକରଣ ଏବଂ ଦେଶ ଭକ୍ତି ବିଷୟବସ୍ତୁ ଉପରେ ଆଧାରିତ ଥିଲା । ଏହି ମେଳା ର ଉଦଯାପନୀ ,ଛାତ୍ରଛାତ୍ରୀ ଙ୍କ ପ୍ରଦର୍ଶନୀ ଏବଂ ପୁରସ୍କାର ବିତରଣ ସହିତ ସମାପ୍ତ ହୋଇଥିଲା ।