ମିଶନଶକ୍ତି ମହିଳା ଟେଇଲରିଂ ୟୁନିଟକୁ ଉଦ୍ଘାଟନ କଲେ ଜିଲ୍ଲାପାଳ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) : ଗଜପତି ଜିଲ୍ଲା ରାୟଗଡ ବ୍ଲକ ଅନ୍ତର୍ଗତ ଜିରାଙ୍ଗ ଗ୍ରାମ ଠାରେ ମିଶନ ଶକ୍ତି ଟେଇଲରିଂ ୟୁନିଟ ଉଦ୍ଘାଟିତ ହୋଇଥିବାର ଜଣାପଡିଛି । ଏହି ୟୁନିଟକୁ ଗଜପତି ଜିଲ୍ଲାପାଳ ଲିଙ୍ଗରାଜ ପଣ୍ଡା ଉଦ୍ଘାଟନ କରିଥିବା ବେଳେ ରାୟଗଡ ବିଡିଓ ରାଜା ରଞ୍ଜିତ ପ୍ରତାପ ବଳ, ମିଶନଶକ୍ତିର ଜିଲ୍ଲା ପ୍ରକଳ୍ପ ସଂଯୋଜକ ରଶ୍ମିରଂଜନ ସେଠୀ, ରାୟଗଡ ସିଡିପିଓ ତେରେସ୍କୋଭା ମଲ୍ଲିକ ପ୍ରମୁଖ ଉପସ୍ଥିତଥିଲେ । ଏହି ଅବସରରେ ଜିଲ୍ଲାପାଳ ପଣ୍ଡା କହିଥିଲେ ଯେ, ନାରୀ ଶସକ୍ତି କାର୍ଯ୍ୟକ୍ରମ ସମଗ୍ର ଜିଲ୍ଲାରେ ସଫଳତା ଭାବେ ଚାଲୁ ରହିଛି । ଟେଇଲରିଂ ଭଳି ସ୍ୱାବଲମ୍ବୀ ତଥା ଆତ୍ମ ନିର୍ଭରଶୀଳ ତାଲିମ ପ୍ରଶିକ୍ଷାର୍ଥୀ ତଥା ମହିଳାମାନଙ୍କୁ ଆହୁରି ଶସକ୍ତିକରଣ କରିପାରିବ ବୋଲି କହିବା ସହ ଜିଲ୍ଲାରେ ଆହୁରି ଏଭଳି ୟୁନିଟ ଖୋଲାଯିବ ବୋଲି ସୂଚନା ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବହୁ ମହିଳା ତାଲିମାର୍ଥୀ ଉପସ୍ଥିତ ରହିଥିଲେ ।
