ସମ୍ବିଧାନ ପ୍ରଣେତା : ଭାରତରତ୍ନ ଡଃ. ବି.ଆର୍.ଆମ୍ବେଦକରଙ୍କ ୧୩୧ତମ ଜୟନ୍ତୀ ପାଳିତ
କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡା ସହରର କଜଳାସ୍ଥିତ ଜିଲ୍ଲା କଂଗ୍ରେସ ଭବନ ପରିସରରେ ସମ୍ବିଧାନ ପ୍ରଣେତା ଭାରତରତ୍ନ ଡଃ. ବି.ଆର୍.ଆମ୍ବେଦକରଙ୍କ ୧୩୧ତମ ଜୟନ୍ତୀ ଅଧ୍ୟକ୍ଷ ସର୍ବେଶ୍ୱର ସେଠୀଙ୍କ ପୌରହିତ୍ୟରେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ ମନ୍ତ୍ରୀ ଗଣେଶ୍ୱର ବେହେରା ଆମ୍ବେଦକରଙ୍କ ଜୀବନାଦର୍ଶ, ନୀତି ଓ ଆଦର୍ଶ ସମ୍ପର୍କରେ ଆଲୋକପାତ କରିବା ସଙ୍ଗେସଙ୍ଗେ ବର୍ତ୍ତମାନ କେନ୍ଦ୍ରର ବିଜେପି ଓ ରାଜ୍ୟ ବିଜେଡି ସରକାର ଆମ୍ବେଦକରଙ୍କ ଦ୍ୱାରା ପ୍ରଣିତ ସମ୍ବିଧାନ ପ୍ରତି ଅବଜ୍ଞାଠାରୁ ଆରମ୍ଭ କରି ସମାଜର ଦୁର୍ବଳ ଶ୍ରେଣୀ, ଅନୁସୂଚିତ ଜାତି, ଅନୁସୂଚିତ ଜନଜାତିମାନଙ୍କ ଅଧିକାରକୁ କ୍ଷୁର୍ଣ୍ଣ କରି ଆଜ୍ଞାଚାର କରି ଚାଲିଛନ୍ତି । ଆହୁରି ମଧ୍ୟ ମହିଳାମାନେ ଅସୁରକ୍ଷିତ ହୋଇପଡିଥିବାବେଳେ ବର୍ତ୍ତମାନ ଦେଶରେ ଅରାଜକତା ସୃଷ୍ଟି କରି ଚାଲିଛନ୍ତି । ଏହି ପରିପ୍ରେକ୍ଷୀରେ ସମସ୍ତେ ମିଳିତ ହୋଇ ବିଶୃଙ୍ଖଳାକାରୀ ବିଜେପି ଓ ବିଜେଡି ସରକାରଙ୍କୁ ଆନ୍ଦୋଳନ ମାଧ୍ୟମରେ ହଟାଇବାକୁ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ ଜିଲ୍ଲା ସଭାପତି ତଥା ପୁର୍ବତନ ବିଧାୟକ ଚିନ୍ମୟ ପ୍ରସାଦ ବେହୁରା, ଜିଲ୍ଲା କଂଗ୍ରେସ ଉପସଭାପତି ପ୍ରଫୁଲ୍ଲ କୁମାର ଦାସ, ଗୋଲଖ ବେହେରା, ଗୋପାଳ କୃଷ୍ଣ ଜେନା, ଅଶୋକ ମଳିକ, ଗୋବିନ୍ଦ ସେଠୀ, ତପନ ପାତ୍ର, କାଙ୍ଗାଳୀ ସେଠୀ, ଗୌରାଙ୍ଗ ମଳିକ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।
