୦୮ ଜୁଆଡି ଗିରଫ, ୦୬ ବାଇକ ଜବତ

ପାରଳାଖେମୁଣ୍ଡି, (ତାରିଣୀ ପଣ୍ଡା) :-ଗଜପତି ଜିଲ୍ଲା କାଶୀନଗର ଥାନା ଅନ୍ତର୍ଗତ ରେଲ୍ଲିଗୁଡା ଗ୍ରାମାଞ୍ଚଳର ଏକ ଆମ୍ବତୋଟାରେ ଜୁଆଡିଆ ଦଳକୁ ଗିରଫ କରିଛି କାଶୀନଗର ପୋଲିସ । ଏହି ଜୁଆଡିଆ ଦଳ ଉଲ୍ଲେଖିତ ଗ୍ରାମାଞ୍ଚଳରେ ବହୁ ଦିନ ଧରି ଜୁଆ ଖେଳ ଜାରି ରଖିଥିଲେ । ହେଲେ କାଶୀନଗର ପୋଲିସ କୌଣସି ସୂତ୍ରରୁ ଖବର ପାଇ ଥାନା ଅଧିକାରୀ ସୁଶାନ୍ତ ସାହୁଙ୍କ ନିର୍ଦ୍ଦେଶ କ୍ରମେ ଆଜି ଚଢାଉ କରାଯାଇ ଥିଲା । ଚଢଉ ବେଳେ ୮ ଜୁଆଡି ଗିରଫ ହେବା ସହ ନଗଦ ୪୬୧୨୦ଟଙ୍କା ମିଳିଥିବା ଏବଂ ୦୬ଗୋଟି ବାଇକ ଜବତ କରାଯାଇଥିବାର ସୂଚନା ଦେଇଛନ୍ତି କାଶୀନଗର ଥାନା ଅଧିକାରୀ ଶ୍ରୀ ସାହୁ । ଏହା ସହ ଜୁଆଡିମାନେ ଖେଳୁଥିବା ତାସକୁ ମଧ୍ୟ ଜବତ କରିଥିବାର ସୂଚନା ପ୍ରଦାନ କରାଯାଇଛି ।