କାକଟପୁର ପ୍ରେସକ୍ଲବ ର ବୈଠକ

ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା କାକଟପୁର ସ୍ଥିତ ଜଳସେଚନ ବିଭାଗ ଡାକବଙ୍ଗଳା ଠାରେ କାକଟପୁର ପ୍ରେସକ୍ଲବ ର ଏକ ଗୁରୁତ୍ତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। କ୍ଲବ ର ଉପସଭାପତି ତୁଷାର ରଞ୍ଜନ ଦୀକ୍ଷିତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକ ରେ ପୁଙ୍ଖାଙ୍କୁପୁଙ୍ଖ ଆଲୋଚନା ହେବା ସହିତ କ୍ଲବର କାର୍ଯ୍ୟ କୁ ଅଧିକ ତ୍ୱରାନ୍ୱିତ କରିବା ପାଇଁ ଆଲୋଚନା ହୋଇଥିଲା। ସମସ୍ତ ସଦସ୍ୟ ଏକ ମନୋଭାବ ରଖି କାର୍ଯ୍ୟ କରିବା କୁ ସ୍ଥିର କରାଯାଇଥିଲା । କ୍ଲବ ର ସଭାପତି କମଳ ଲୋଚନ ଦୀକ୍ଷିତ ଙ୍କୁ ପୁନର୍ବାର ସଭାପତି ଭାବେ ରଖାଯିବା ସହିତ କାର୍ଯ୍ୟକାରୀ ସଭାପତି ଭାବେ ତୁଷାର ରଞ୍ଜନ ଦୀକ୍ଷିତ ,ସମ୍ପାଦକ ଭାବେ ଅକ୍ଷୟ କୁମାର ରାଉତ, କୋଷାଧକ୍ଷ ଭାବେ ପ୍ରଦୀପ କୁମାର ପଣ୍ଡା ଙ୍କୁ ରଖାଯାଇଥିବା ବେଳେ ବରିଷ୍ଠ ସାମ୍ବାଦିକ ଭାବେ ଶଙ୍କର ପ୍ରସାଦ ଦାସ, କ୍ଷେତ୍ର ମୋହନ ଦାଶ , ପୂର୍ଣ୍ଣ ଚନ୍ଦ୍ର ପଣ୍ଡା, ନିରଞ୍ଜନ ଦାସ, ରମେଶ ଚନ୍ଦ୍ର ପଣ୍ଡା ଙ୍କୁ ନେଇ ଏକ କାର୍ଯ୍ୟକାରୀ କମିଟି ଗଠନ କରାଯାଇଥିଲା। କ୍ଲବ କୁ ସୁଦୃଢ଼ କରିବା ଏବଂ ସମସ୍ତଙ୍କ ସହଯୋଗ ଦ୍ୱାରା ପ୍ରେସ କ୍ଲବ କୁ ପଞ୍ଜିକରଣ ପାଇଁ ଆଲୋଚନା ହୋଇଥିଲା। ଉକ୍ତ ବୈଠକ ରେ ବରିଷ୍ଠ ସାମ୍ବାଦିକ ସନ୍ତୋଷ କୁମାର ଦାଶ ,ବିଶ୍ୱ ରଞ୍ଜନ ବିଶ୍ଵଶ୍ରୀ,ସଞ୍ଜୟ ପତି,ମାନସ କୁମାର ଦୀକ୍ଷିତ, ମାନସ କୁମାର ଖଣ୍ଡୁଆଳ, ପ୍ରଭାସ ପୃଷ୍ଟି, ଆଦିତ୍ୟ କୁମାର ରାଉତ, ଲୋକନାଥ ସ୍ୱାଇଁ, ପ୍ରଭାତ କୁମାର ଦୀକ୍ଷିତ,ପ୍ରିୟ ଦର୍ଶନ ମିଶ୍ର, ଭାଗବତ ସ୍ୱାଇଁ, ବ୍ରଜ କିଶୋର ସାହୁ ପ୍ରମୁଖ ଉପସ୍ଥିତ ରହି ନିଜ ନିଜର ବକ୍ତବ୍ୟ ରଖିଥିଲେ।ବରିଷ୍ଠ ସାମ୍ବାଦିକ ପ୍ରଶାନ୍ତ ଜେନା ଙ୍କୁ କ୍ଲବ ରେ ସାମିଲ କରିବାକୁ ନିଷ୍ପତି ଗ୍ରହଣ କରା ଯାଇ ଥିଲା।