୫-ଟି ସ୍କୁଲ ପାଇଁ ଭର୍ଚୁଆଲ ମାଧ୍ୟମରେ ୫-ଟି ସଚିବ ସମୀକ୍ଷା

ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ବ୍ଲକ ସମ୍ମିଳନୀ କକ୍ଷରେ ତୃତୀୟ ପ୍ରର୍ଯ୍ୟାୟରେ ୫-ଟିରେ ଅର୍ନ୍ତଭୁକ୍ତ ହୋଇଥିବା ସ୍କୁଲର ପ୍ରଧାନ ଶିକ୍ଷକ, ଜଣେ ପିଲା, ସ୍ଥାନୀୟ ସରପଂଚ ଓ ଆଲମୁନି କମିଟିର ସଭାପତିଙ୍କ ସହିତ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା ୫-ଟି ସଚିବ ଭର୍ଚୁଆଲ୍ ମାଧ୍ୟମରେ ସମୀକ୍ଷା କରିଥିଲେ । ସରପଂଚମାନଙ୍କୁ ସ୍କୁଲର ରୂପାନ୍ତରୀକରଣରେ ସାହାର୍ଯ୍ୟର ହାତ ବଢାଇବାକୁ କହିବା ସହିତ ଉପସ୍ଥିତ ପିଲାମାନଙ୍କୁ ଭବିଷ୍ୟତରେ ଜୀବନର ଲକ୍ଷ୍ୟ ପଚାରି ବୁଝିଥିଲେ । ସମସ୍ତ ୫-ଟି ସ୍କୁଲର ରୂପାନ୍ତରଣ କାର୍ଯ୍ୟ ଆସନ୍ତା ମାର୍ଚ୍ଚ ୫ ତାରିଖ ସୁଦ୍ଧା ଶେଷ କରିବା ପାଇଁ କହିଥିଲେ । ଏହି ସମୀକ୍ଷା ବୈଠକରେ ବିଡିଓ ରଶ୍ମୀରେଖା ମଲ୍ଲିକ, ବିଇଓ ମନୋରମା ରାଉତ, ବୈଷୟିକ ପରାମର୍ଶଦାତା ପୁନମ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।