ବ୍ରାହ୍ମଣ ସମାଜ ର ବୈଠକ ଅନୁଷ୍ଠିତ

କାଶୀନଗର, (ରାଜେଶ କୁମାର ପଟ୍ଟନାୟକ):ଗଜପତି ଜିଲ୍ଲା କାଶୀନଗର ସ୍ଥିତ ବିଦ୍ୟା ମନ୍ଦିର ପ୍ରାଙ୍ଗଣରେ ଆଜି ବ୍ରାହ୍ମଣ ସମାଜର ବୈଠକ ସଭାପତି ସୁବାସ ବିଶ୍ୱାସରାୟଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଯେ ହେତୁ ଆଜିର ଏହି ଦିନରେ କାଶୀନଗର ଠାରେ ଥିବା ବଂଶଧାରା ନଦୀରେ ବନ୍ୟା ଆସି ପ୍ରାଣ ହରାଇଥିବା ବନ୍ୟା ବିପନ୍ନଙ୍କ ପରିବାର ଆତ୍ମାର ସଦ୍ଗତି ପାଇଁ ଏକ ନୀରବ ପ୍ରାର୍ଥନା କରି ଆଜିର ଏହି ବୈଠକ ଶାନ୍ତି ପୂର୍ଣ୍ଣ ପରିବେଶ ରେ ଆରମ୍ଭ ହୋଇଥିଲା । ଏଥିରେ କାଶୀନଗର ସହରର ପ୍ରାୟ ୨୫ ଜଣ ବ୍ରାହ୍ମଣ ଉପସ୍ଥିତ ରହି ବୈଠକକୁ ସାଫଲ୍ୟ ମଣ୍ଡିତ କରିଥିଲେ । ବୈଠକରେ ସମସ୍ତଙ୍କୁ ନିଜର ମତ ପରି ପ୍ରକାଶ କରିବା ପାଇଁ ସୁଯୋଗ ଦିଆଯାଇଥିଲା । ସମସ୍ତେ ନିଜ ନିଜର ମତାମତ ପରିପ୍ରକାଶ କରି ବୈଠକର ଆଗ୍ରହକୁ ବଢ଼ାଇଥିଲେ। ବିଭିନ୍ନ ସ୍ବାଗତ ଯୋଗ୍ୟ ମତ ଏବଂ ପ୍ରସ୍ତାବ ଆସିଲା । ତନ୍ମଧ୍ୟରୁ ଏକ ସାଧାରଣ ମତ ଥିଲା “ସଂଗଠନକୁ ସୁଦୃଢ଼ୀକରଣ” ତଥା ବ୍ରାହ୍ମଣ ସମାଜ ନିମନ୍ତେ ଏକ କମ୍ୟୁନିଟି ହଲର ଆବଶ୍ୟକ ଥିବା ବକ୍ତବ୍ୟ ଦେବା ସହ ଆମ ଅଞ୍ଚଳର ପ୍ରତ୍ୟେକ ବ୍ରାହ୍ମଣ ପରିବାରକୁ ଯେପରି ଅନ୍ତର୍ଭୁକ୍ତ କରାଯିବ ସେଥି ପ୍ରତି ପ୍ରାଧାନ୍ୟ ଦେବା ପାଇଁ ଆଲୋଚନା ଓ ପର୍ଯ୍ୟାଲୋଚନା କରାଯାଇଥିଲା । ପରିଶେଷରେ ସମ୍ପାଦକ ରଘୁ ରାମ ସାହୁ ଓ ସମସ୍ତଙ୍କ ସହମତି କ୍ରମେ ପ୍ରତ୍ୟେକ ୱାର୍ଡରେ କିଛି ବ୍ୟକ୍ତିଙ୍କୁ ଦାୟିତ୍ଵ ଦେବା ପାଇଁ ସ୍ଥିର ହେଲା । ସେହି ବ୍ୟକ୍ତି ବିଶେଷ ମାନେ ନିଜ ନିଜ ୱାର୍ଡ ର ପ୍ରତ୍ୟେକ ସାହି ରେ ଥିବା ବ୍ରାହ୍ମଣ ପରିବାରଙ୍କ ସହ ଯୋଗାଯୋଗ କରି ବ୍ରାହ୍ମଣ ସମାଜ ବିଷୟରେ ଜଣାଇ ସେମାନଙ୍କ ନାମ ଓ ଠିକଣା ସଂଗ୍ରହ କରିବା ପାଇଁ ନିଷ୍ପତ୍ତି ଗ୍ରହଣ କରାଗଲା । ପରିଶେଷରେ ପ୍ରତ୍ୟେକ ମାସର ଶେଷ ରବିବାର ଦିବା ୧୦.୦୦ ଘଣ୍ଟିକା ସମୟରେ ବୈଠକ କରିବା ପାଇଁ ସ୍ଥିର ହେଲା । ଆଜିର ବୈଠକରେ ବ୍ରାହ୍ମଣ ସମାଜର ବହୁ ପ୍ରମୁଖ ବ୍ରାହ୍ମଣ ଯୋଗ ଦେଇ ଥିଲେ।