ଯଶିପୁରରେ ବିଜେପିର ଜନ ଆକ୍ରୋଶ ବ୍ଲକ ଘେରାଉ

କରଞ୍ଜିଆ, (ଜିତେନ୍ଦ୍ର ରାଜ):ଯଶିପୁର ବ୍ଲକ ସମ୍ମୁଖରେ ଭାରତୀୟ ଜନତା ପାର୍ଟି ର ଜନ ଅକ୍ରୋଶ ବ୍ଲକ ଘେରାଉ ଆଜି ଅନୁଷ୍ଠିତ ହୋଇଯାଇଛି । ଓଡିଶାରେ ଚାଲିଥିବା ଦୂର୍ନିତୀ, ବ୍ୟଭିଚାର,ଓ ଅଗଣତାନ୍ତ୍ରିକ ଶାସନ ବ୍ୟବସ୍ଥା ବିରୋଧରେ ଯଶିପୁର ବିଧାୟକ ଗଣେଶ ରାମ ସିଂ ଖୁଣ୍ଟିଆ ଏବଂ ବିଜେପି ରାଜ୍ୟ ଉପସଭାପତି ବିରଞ୍ଚି ତ୍ରିପାଠୀଙ୍କ ନେତୃତ୍ବରେ ଯଶିପୁର ବ୍ଲକ ସମ୍ମୁଖରେ ହୋଇଛି ବିକ୍ଷୋଭ। ଯଶିପୁର ପୁରୁଣା ବଜାର ଠାରୁ ଶତାଧିକ ବିଜେପି ସମର୍ଥକ ଶୋଭାଯାତ୍ରା କରି ପହଞ୍ଚି ବ୍ଲକ ସମ୍ମୁଖରେ ରାଜ୍ୟ ସରକାର ବିରୋଧରେ ହୋଇଛି ପ୍ରତିବାଦ ସଭା । ଶିମିଳିପାଳ ମଣ୍ଡଳ ସଭାପତି କାଳୀଚରଣ ନାଏକ ସଭା ପରିଚାଳନା କରିଥିବାବେଳେ ଆଦିବାସୀ ନେତା ଦିଲୀପ ନାଏକ, ପଶ୍ଚିମ ମୟୂରଭଞ୍ଜ ଜିଲ୍ଲା ଉପସଭାପତି ବିପିନ ମହାନ୍ତ, ପୂର୍ଣ୍ଣଚନ୍ଦ୍ର ମୂର୍ମୁ, ବିଧାୟକ ଶ୍ରୀ ଖୁଣ୍ଟିଆ, ରାଜ୍ୟ ଉପସଭାପତି ଶ୍ରୀ ତ୍ରିପାଠୀ ପ୍ରମୁଖ ବ୍ଲକ ଘେରାଉ ସଭା ରେ ରାଜ୍ୟ ସରକାର ଙ୍କ ବିଫଳତା ଓ ଦୂର୍ନିତୀ କୁ ନେଇ କଟୁ ସମାଲୋଚନା କରିଥିଲେ l ଅନ୍ୟମାନଙ୍କ ମଧ୍ୟରେ ଯଶିପୁର ମଣ୍ଡଳ ବିଜେପି ସଭାପତି ଚକ୍ରଧର ମହାନ୍ତ, ବିଜେପି ନେତା ସବିତା ନାଏକ, ସମିତି ସଭ୍ୟା ଜୁଲି ପାତ୍ର, ଦମୟନ୍ତୀ ମହାନ୍ତ, ସନ୍ତୋଷ ସିଂ, ଧର୍ମେନ୍ଦ୍ର ରାମ, ଅନନ୍ତ କେରାଇ, ଶୁଭେନ୍ଦୁ ମହାନ୍ତ, ଦୈତାରୀ ନାଏକ, ଭୁବନ ପାତ୍ର, ପଶୁପତି ମିଶ୍ର ପ୍ରମୁଖ ବ୍ଲକ ଘେରାଉ କାର୍ଯ୍ୟକ୍ରମରେ ସାମିଲ ହୋଇଥିଲେ l