ବାଇକ ସହ ଗଞ୍ଜେଇ ଜବତ , ଜଣେ ଗିରଫ

ଭଞ୍ଜନଗର, (ସନ୍ତୋଷ ଜେନା):ଭଞ୍ଜନଗର ଥାନା ଅଧୀନ ନିଧିଆପଲ୍ଲୀ ଛକ ନିକଟରୁ ବାଇକରେ ଗଞ୍ଜେଇ ଚାଲାଣ ହେଉଥିବା ସମୟରେ ଜଣକୁ କାବୁ କରିଛି ପୁଲିସ୍। ଅଭିଯୁକ୍ତ ଜଣକ ହେଲେ ଆସିକା ଥାନା ଅଧୀନ ଘଟକୁରୀ ଗ୍ରାମର କାହ୍ନୁ ଚରଣ ନାହାକ। ତା ନିକଟରୁ ୨୨ କେଜି ଗଞ୍ଜେଇ ଜବତ କରିବା ସହ ଗଞ୍ଜେଇ ଚାଲାଣରେ ବ୍ୟବହୃତ ମଟର ସାଇକଲ ମଧ୍ୟ ଜବତ କରାଯାଇଥିବା ଥାନା ଅଧିକାରୀ ଭଗବାନ ପୂଜାରୀ ସୂଚନା ଦେଇଛନ୍ତି। ଏନେଇ କେସ୍ ନମ୍ବର ୩୬ରେ ଏକ ମାମଲା ରୁଜୁ କରିବା ସହ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଥିବା ଶ୍ରୀ ପୂଜାରୀ ପ୍ରକାଶ କରିଛନ୍ତି। ସୂଚନା ଅନୁଯାୟୀ, ଗତକାଲି ରାତିରେ ଏସ୍ଆଇ କେଶବ ଷଢଙ୍ଗୀ ମୁଜାଗଡ ଇଲାକାରେ ପେଟ୍ରୋଲିଂ କରୁଥିବା ସମୟରେ ଦୁର୍ଗାପ୍ରସାଦ ପଟୁ ଜଣେ ବ୍ୟକ୍ତି ଗାଡିରେ ଗଞ୍ଜେଇ ଆଣୁଥିବା ଖବର ପାଇ ନିଧିଆପଲ୍ଲୀ ନିକଟରେ ଉକ୍ତ ବାଇକକୁ ଅଟକାଇବା ସହ ଗଞ୍ଜେଇ ଜବତ କରିଥିବା ପୁଲିସ ସୂଚନା ଦେଇଛି।