ବାଲିପଦରରେ ରଶି ଲଗାଇ ଯୁବକଙ୍କ ଆତ୍ମହତ୍ୟା

ବୁଗୁଡା,(ଅନିଲ କୁମାର ମହାରଣା) : ଗଞ୍ଜାମ ଜିଲ୍ଲାର ବୁଗୁଡା ପୋଲିସ ଥାନା ଅଧିନସ୍ଥ ବାଲିପଦର ଫାଣ୍ତିର ବାଲିପଦର ରେ ଜଣେ ଯୁବକ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି। ଯୁବକ ଜଣକ ହେଲେ ପାଟପୁର ପୋଲିସ ଥାନା ଅନ୍ତର୍ଗତ ନିସ୍ତିପୁର ଗ୍ରାମରର ବସନ୍ତ କୁମାର ସାହୁ। ବସନ୍ତ ବାଲିପଦରରେ ଘର ଭଡା ନେଇ ରହୁଥିଲେ। ସେ ଘରର ରଙ୍ଗଦେବା କାମକରି ପରିବାର ପ୍ରତିପୋଷଣ କରୁଥିଲେ। ଅଗଷ୍ଟ ୨୧ ତାରିଖ ଦିନ ବସନ୍ତ ରହୁଥିବା ଭଡା ଘରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି। ବସନ୍ତଙ୍କ ସ୍ତ୍ରୀ ବୁଗୁଡା ମେଡିକାଲକୁ ନିଜର ସ୍ୱାମୀଙ୍କୁ ଚିକିତ୍ସା ପାଇଁ ଆଣିଥିଲେ ମଧ୍ୟ ଜୀବନ ରକ୍ଷା କରିପାରିନଥିଲେ। ବୁଗୁଡା ମେଡିକାଲରେ ଡାକ୍ତର, ବସନ୍ତ ସାହୁଙ୍କୁ ମୃତ୍ୟୁ ଘୋଷଣା କରିଥିଲେ। ଖବର ପାଇ ବୁଗୁଡା ପୋଲିସ ମେଡିକାଲରେ ପହଞ୍ଚି ଶବକୁ ଜବତ କରିବା ସହ ଏକ ଅପମୃତ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପାଠାଇଛନ୍ତି। ପୋଲିସ ତଦନ୍ତ ଜାରି ରଖିଛନ୍ତି।