ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ରୋଗୀ କଲ୍ୟାଣ ସମିତି ବୈଠକ

ହାଟଡିହି, (ବିକାଶ ବିଶ୍ୱାଳ):ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ ହୋଇଯାଇଛି l ଅଧିକ୍ଷକ ଡ଼ ପ୍ରଭାତ ଚନ୍ଦ୍ର ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକ ରେ ଆନନ୍ଦପୁର ବିଧାୟକ ଅଭିମନ୍ୟୁ ସେଠି , ପଂଚାୟତ ସମିତି ଅଧକ୍ଷା ସାବିତ୍ରୀ ସେଠି, ବଡ଼ିଓ ସୌମ୍ୟଶ୍ରୀ ପାଣିଗ୍ରାହୀ, ସିଡିପିଓ ଉମାମଣୀ ମହାପାତ୍ର, ରୋଗୀ କଲ୍ୟାଣ ସମିତି ସଭ୍ୟ ରଙ୍ଗାଧର ମଲ୍ଲିକ, ରଞ୍ଜନ ପହି, ରମାକାନ୍ତ ନାୟକ, ପ୍ରତାପ ଦେଓ ପ୍ରମୁଖ ଯୋଗ ଦେଇଥିଲେ l ଏହି ବୈଠକରେ ଡାକ୍ତରଖାନାର ଭିତ୍ତି ଭୂମି, ଡ୍ରେନ ନିର୍ମାଣ, ପରିସ୍କାର ପରିଚ୍ଛନତା, ବିଭିନ୍ନ ଔଷଧ ଯନ୍ତ୍ରପାତି ଉପକରଣ ଓ ନିଦାନ କ୍ରୟ ଆଦି ବିଭିନ୍ନ ପ୍ରସ୍ତାବ ଉପରେ ଆଲୋଚନା କରାଯାଇ ଗୃହୀତ କରାଯାଇଥିଲା l ଶେଷରେ ଡ଼ ସଂଗ୍ରାମ କେଶରୀ ବ୍ରହ୍ମ ଧନ୍ୟବାଦ ଅର୍ପଣ ଦେଇଥିଲେ l ଏହି କାର୍ଯ୍ୟକ୍ରମକୁ ବି ପି ଏମ ଚନ୍ଦନ କୁମାର ସାହୁ, ଆକାଉଟାଣ୍ଟ କୈଳାଶ ଚନ୍ଦ୍ର ସାହୁ, ନର୍ସିଂ ଅଫିସର ସରସ୍ୱତୀ ସେଠି, ଉତ୍କଳିକା ମିଶ୍ର, ସ୍ମୃତି ସ୍ୱରୂପ ପୁହାଣ, ସନ୍ଦୀପ ରାଉତ, ଦେବସ୍ମିତା ରାଉତ କୈଳାଶ ସୁବୁଦ୍ଧି ପ୍ରମୁଖ ପରିଚାଳନା କରିଥିଲେ l ସ୍ଥାନୀୟ ସରପଞ୍ଚଙ୍କୁ ଏହି ବୈଠକକୁ ଡକାଯାଇ ନଥିବାରୁ ସରପଞ୍ଚଙ୍କ ସମେତ ସ୍ଥାନୀୟ କିଛି ଲୋକ ଏହାର ବିରୋଧ କରିଥିଲେ। ଆଗାମୀ ଦିନରେ ହେବାକୁ ଥିବା ରୋଗୀ କଲ୍ୟାଣ ସମିତି ବୈଠକ ମାନଙ୍କରେ ସରପଞ୍ଚଙ୍କୁ ସାମିଲ କରାଯିବା ନେଇ ବି.ଡ଼ି.ଓ ପ୍ରସ୍ତାବ ଦେଇଥିଲେ।