ଉପଖଣ୍ଡ ସ୍ତରୀୟ ବରିଷ୍ଠ ନାଗରିକ ମଞ୍ଚର ସମନ୍ବୟ କମିଟି ଗଠିତ

ହାଟଡିହି, (ବିକାଶ ବିଶ୍ୱାଳ):ଉପଖଣ୍ଡ ସ୍ତରୀୟ ବରିଷ୍ଠ ନାଗରିକ ମଞ୍ଚର ସମନ୍ବୟ କମିଟିର ଏକ ଗୁରୁତ୍ୱପୂର୍ଣ୍ଣ ବୈଠକ ହାଟଡିହି ଠାରେ ଅନୁଷ୍ଠିତ ହୋଇ ଯାଇଛି । ରାଜ୍ୟ ଉପ ସଭାପତି ଅରୁଣ ମହାନ୍ତି ସଭାପତିତ୍ଵରେ ଅନୁଷ୍ଠିତ ଏହି ବୈଠକରେ ହାଟଡିହି ବରିଷ୍ଠ ନାଗରିକ ମଞ୍ଚର ସଭାପତି ସାରଙ୍ଗଧର ଜେନା, ସମ୍ପାଦକ ଡ଼. ଗୋଲେଖ ଚ଼ନ୍ଦ୍ର ନାୟକ, କୋଷାଧକ୍ଷ କାମପାଳ ନାୟକ, ଘସିପୁରା ବ୍ଲକ ସମ୍ପାଦକ ଚିନ୍ତାମଣି ଜେନା, ଆନନ୍ଦପୁର ବରିଷ୍ଠ ନାଗରିକ ପରିଷଦର ସଭାପତି ରମାକାନ୍ତ ନାୟକ, ମରୈଗାଁ ବରିଷ୍ଠ ନାଗରିକ ସଂଘର ସଭାପତି ଗୋପବନ୍ଧୁ ସୁଆର, ସମ୍ପାଦକ ବୃନ୍ଦାବନ ପଣ୍ଡା, କାର୍ଯ୍ୟକାରୀ ସଦସ୍ୟ କୃଷ୍ଣଚ଼ନ୍ଦ୍ର ଜେନା, ଅନାଦି ଚ଼ରଣ ବିଶ୍ଵାଳ, ଗଣନାଥ ନାୟକ, ସତ୍ୟାନନ୍ଦ ମିଶ୍ର ପ୍ରମୁଖ ଯୋଗଦେଇ ବରିଷ୍ଠ ନାଗରିକ ମାନଙ୍କ ବିଭିନ୍ନ ସମସ୍ୟା ଉପରେ ଆଲୋକପାତ କରିବା ସହ ଉପଖଣ୍ଡ ସ୍ତରୀୟ କମିଟି ଗଠନ ପାଇଁ ନିଷ୍ପତି ନେଇଥିଲେ। ଉପଖଣ୍ଡ ସ୍ତରୀୟ ସମନ୍ଵୟ କମିଟିର ସଭାପତି ଭାବେ ଅରୁଣ ମହାନ୍ତିଙ୍କୁ ମନୋନୀତ କରାଯାଇଥିବା ବେଳେ ଉପଖଣ୍ଡରେ ଥିବା ବରିଷ୍ଠ ନାଗରିକ ମଞ୍ଚର କର୍ମକର୍ତ୍ତା ମାନେ ଏହାର ସଦସ୍ୟ ଭାବେ ରହିଛନ୍ତି।