ପୋଡ଼ାମାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ କବାଡି ପ୍ରତିଯୋଗିତା ଉଦଯାପିତ
ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀ):ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଆନୁକୁଲ୍ୟରେ ପୋଡ଼ାମାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଆୟୋଜିତ ତିନି ଦିନିଆ କବାଡି ପ୍ରତିଯୋଗିତା କାର୍ଯ୍ୟକ୍ରମ ଉଦଯାପିତ ହୋଇଯାଇଛି। ଆୟୋଜିତ ପ୍ରତିଯୋଗିତା ରେ ସର୍ବମୋଟ ୧୭ ଟି ଦଳ ଅଂଶଗ୍ରହଣ କରିଥିଲେ। ଉଦଯାପନୀ ଦିବସରେ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଆୟୋଜିତ କାର୍ଯ୍ୟକ୍ରମ ର ସଭାପତି ତଥା କଲେଜ ଅଧ୍ୟକ୍ଷ ଇ ପ୍ରଦୀପ କୁମାର ପାତ୍ର ଙ୍କ ସଂଯୋଜନା ରେ ସାନଖେମୁଣ୍ଡି ତହସିଲଦାର ରାମଚନ୍ଦ୍ର ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେସାନଖେମୁଣ୍ଡି ବ୍ଲକଅଧ୍ୟକ୍ଷସିମାଞ୍ଚଳପାତ୍ରଯୋଗଦଇ ଚମ୍ପିୟାନ ଶ୍ରୀଭରତ ପତି ଉଚ୍ଚ ମାଧ୍ୟମିକ ବିଦ୍ୟାଳୟ ସାମନ୍ତିଆପଲ୍ଲି ଓ ରନର୍ସ ଅପ ବିଶ୍ୱାସରାୟ ଉଚ୍ଚ ମାଧ୍ୟମିକ ବିଦ୍ୟାଳୟ ପାଟପୁର ଦଳକୁ ଟ୍ରଫି ସହ ମାନପତ୍ର ପ୍ରଦାନ କରିଥିଲେ। ସ୍ଥାନୀୟ ସରପଞ୍ଚ ସନ୍ତୋଷ କୁମାର ବିଷୋୟୀ ଯୋଗଦେଇ ଏଭଳି ପ୍ରତିଯୋଗିତା ମୂଳକ କ୍ରୀଡା ଆୟୋଜନ ଆମ୍ଭ ଅଞ୍ଚଳର ପିଲା ମାନଙ୍କୁ କ୍ରୀଡା ପ୍ରତି ଆଗ୍ରହ ସୃଷ୍ଟି କରିବା ପାଇଁ ଉତ୍ସାହିତ କରିବ ବୋଲି ମତବ୍ୟକ୍ତ କରିଥିଲେ। ସଭାପତି ଭାବେ ଅଧ୍ୟକ୍ଷ ଇଂ ପ୍ରଦୀପ କୁମାର ପାତ୍ର କାର୍ଯ୍ୟକ୍ରମ ଶୃଙ୍ଖଳିତ ଭାବେ ସଫଳ ହୋଇଥିବା ଯୋଗୁଁ ସମସ୍ତ ପ୍ରତିଯୋଗୀ ପରିଚାଳନା କର୍ମଚାରୀ,ସ୍ବେଚ୍ଛାସେବୀ ତଥା ଅନୁଷ୍ଠାନର ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ମାନଙ୍କୁ ସାଧୁବାଦ ଜଣାଇଥିଲେ। ସମସ୍ତ କାର୍ଯ୍ୟକ୍ରମକୁ କ୍ରୀଡା ଶିକ୍ଷକ ସୁରେନ୍ଦ୍ର ବେହେରା ପରିଚାଳନା କରିଥିଲା ବେଳେ ଅଧ୍ୟାପକ ପ୍ରଭୁଦତ୍ତ ବ୍ରହ୍ମା ସଂଯୋଜନା କରିଥିଲେ।
