ସତିଗାତ ବ୍ରିଜ ନିକଟ ନାଳରୁ ବୃଦ୍ଧଙ୍କ ମୃତ ଦେହ ଉଦ୍ଧାର

ସୋରଡ଼ା,(ରଜନୀ ମହାପାତ୍ର):ଗଞ୍ଜାମ ଜିଲ୍ଲା ବଡଗଡ ଥାନା ମେରିକୋଟ ପଞ୍ଚାୟତ ସତିଗାତ ବ୍ରିଜ ନିକଟ ନାଳରୁ ବୃଦ୍ଧଙ୍କ ମୃତ ଦେହ ଉଦ୍ଧାର । ମୃତକ ଜଣକ ହେଲେ ବ୍ରାହ୍ମଣୀ ଗାଁ ଥାନା ବୁଜୁଲି ଗ୍ରାମର ସାଧୁ ରଣାଷଣ୍ଢ ବୟସ 60 । ସୂଚନା ମୁତାବକ ସାଧୁ ନିଜ ଗ୍ରାମରୁ ଦୁଇ ଦିନ ତଳେ ବଡଗଡ ଥାନା ମେରିକୋଟ ପଞ୍ଚାୟତର ସାଲିମା ଗୋଚ୍ଛାକୁ ଆସିଥିଲେ । କିନ୍ତୁ ସେ ଆଉ ଘରକୁ ଫେରି ନଥିଲେ । କିଛି ଲୋକଙ୍କ ଠାରୁ ସୂଚନା ପାଇ ବଡଗଡ ପୋଲିସ ଘଟଣା ସ୍ଥଳରେ ପହଞ୍ଚିବା ସହ ମୃତକଙ୍କ ପରିବାରକୁ ସୂଚନା ଦେଇଥିଲେ । ସୂଚନା ପାଇ ଘଟଣା ସ୍ଥଳରେ ଘରାଲୋକ ସେଠାରେ ପହଞ୍ଚି ଶବକୁ ଚିହ୍ନଟ କରିଥିଲେ । କିନ୍ତୁ କେଉଁ କାରଣରୁ ସାଧୁଙ୍କ ମୃତ୍ୟୁ ହୋଇଚି ତାହା ଅସ୍ପଷ୍ଟ ଥିବା ବେଳେ ଶବ ବ୍ୟବଚ୍ଛେଦ ପରେ କାରଣ ଜଣା ପଡ଼ିବ ବୋଲି କହିଛି ବଡଗଡ ପୋଲିସ ।