ଗୋଚାଲାଣ ଯୋଗୁଁ ୩ ଗିରଫ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ଅଡବା ଥାନା ଅଞ୍ଚଳରେ ଗୋଚାଲାଣ ଅଭିଯୋଗରେ ପୁଲିସ ୩ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତମାନେ ହେଲେ ଦମାଦୁଆ ଗାଁ’ର ରିଙ୍କୁ ନାୟକ, ସାବୁ ନାୟକ ଓ ଜଳେନ୍ଦ୍ର ନାୟକା ପୁଲିସ ଘଟଣାସ୍ଥଳରେ ପହଞ୍ଚି ଅମାନୁଷିକ ଭାବେ ଚାଲାଣ ହେଉଥିବା ୩ଟି ଗୋରୁ ଉଦ୍ଧାର କରିବା ସହ ଏକ ଅଟୋ ଜବତ କରିଛି। ସ୍ଥାନୀୟ ଲୋକଙ୍କ ଏତଲା କ୍ରମେ ପୁଲିସ ମାମଲା ରୁଜୁ କରିବା ସହ ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ଶୁଭ୍ରାନ୍ତ ପଣ୍ଡା କହିଛନ୍ତି। ପୁଲିସ ସୁତ୍ରରୁ ମିଳିଥିବା ସୂଚନା ଅନୁସାରେ ଗୁରୁବାର ଭୋର ସମୟରେ ଏକ ଅଟୋ ମୋହନାରୁ ଦମାଦୁଆ ଯାଉଥିବାବେଳେ ଏହି ଅଟୋରେ ଗୋରୁର ଗୋଡ଼ବନ୍ଧା ହୋଇଥିବା ଦେଖି ଅଡବା ଗ୍ରାମବାସୀ ଅଟକାଇବା ସହ ପୁଲିସକୁ ଖବର ଦେଇଥିଲେ । ପରେ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ 3 ଜଣଙ୍କୁ ଗିରଫ କରିଛନ୍ତି.