ଅଟଳ ବିହାରୀ ବାଜପାୟୀଙ୍କ ୧୦୦ ତମ ଜୟନ୍ତୀ ପାଳିତ

ଆରଡି, (ଆଲୋକ ଚନ୍ଦ୍ର ନାୟକ):ଭଦ୍ରକ ଜିଲ୍ଲାର ଚାନ୍ଦବାଲି ବ୍ଲକ ଅଧୀନ ମଠଡିହ ଠାରେ ବିଜେପି ବାବା ଆଖଣ୍ଡଳମଣି ଜୋନ ପକ୍ଷରୁ ପୂର୍ବତନ ପ୍ରଧାନ ମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପାୟୀଙ୍କ ୧୦୦ ତମ ଜୟନ୍ତୀ ପାଳିତ ହୋଇ ଯାଇଛି । ଏହି ଉପଲକ୍ଷେ ଜୋନ୍ ର ସାଧାରଣ ସମ୍ପାଦକ ସୁଦେଶ ପଣ୍ଡାଙ୍କ ପୌରୋହିତ୍ଯରେ ଅନୁଷ୍ଠିତ ସଭାରେ ସୁନ୍ଦରପୁର ପଞ୍ଚାୟତର ସମିତି ସଭ୍ୟ ଶରତ ଚନ୍ଦ୍ର ବେହୁରିଆ,ସୁନ୍ଦରପୁର ଶକ୍ତି ପ୍ରମୁଖ ସଦାନନ୍ଦ ମଲିକ, ଓଳଗ ଶକ୍ତି ପ୍ରମୁଖ ଦୀପକ ରଞ୍ଜନ ବିଶ୍ବାଳ, ଯୁବନେତା ସୁବ୍ରତ ବିଳାସ, ସୁରେଶ ମହାଳିକ, ରାଜ କିଶୋର ବାରିକ, ଦୀପ୍ତି ରଞ୍ଜନ ନାୟକ, ମଣିଭଦ୍ର ବାରିକ, ତୁଷାର ନାୟକ,ପ୍ରଫୁଲ୍ଲ ସୁରାର, ସୁକେନ କେନା, ପଦ୍ମ ଲୋଚନ ବାରିକ, ପ୍ରମୁଖ ଅଟଳ ବିହାରୀ ବାଜପାୟୀଙ୍କ ସ୍ମୃତି ଚାରଣ କରିଥିଲେ । ସ୍ବର୍ଗତ ଅଟଳ ବିହାରୀ ବାଜପାୟୀ ଥିଲେ ଜଣେ ସରଳ ମଣିଷ । ଗରିବ ହଟିବା ତାଙ୍କର ପ୍ରଧାନ ଲକ୍ଷ୍ୟ ଥିଲା । ତାଙ୍କ ପ୍ରଧାନମନ୍ତ୍ରୀତ୍ବ ସମୟରେ ଭାରତରେ ସ୍ବର୍ଣ୍ଣିମ ଯୁଗ ଆରମ୍ଭ ହୋଇଥିଲା । ତାହାର ସୁଫଳ ଆଜି ଦେଶର ଜନତା ଭୋଗ କରୁଛନ୍ତି ବୋଲି ଉପସ୍ଥିତ ବ୍ୟକ୍ତି ମାନେ ସ୍ମୃତି ଚାରଣ ବେଳେ କହିଥିଲେ ।