ବିଭିନ୍ନ ଦାବି ନେଇ ଅଲ ଓଡିଶା ଅଙ୍ଗନବାଡି ଲେଡ଼ିଜ ୱାର୍କର୍ସ ଆସୋସିଏସନର ବିକ୍ଷୋଭ ଓ ଦାବିପତ୍ର ପ୍ରଦାନ

ଛତ୍ରପୁର (ଓ୍ବାଇଏନଏସ) : ବିଭିନ୍ନ ଦାବି ନେଇ ଭାରତୀୟ ମଜଦୁର ସଙ୍ଘ ସଂଲଗ୍ନ ଅଲ ଓଡିଶା ଅଙ୍ଗନବାଡି ଲେଡ଼ିଜ ୱାର୍କର୍ସ ଆସୋସିଏସନ ଗଞ୍ଜାମ ଜିଲ୍ଲା ଶାଖା ପକ୍ଷରୁ ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବା ସହିତବିଭାଗୀୟ ମନ୍ତ୍ରୀ ଙ୍କ ଉଦେଶ୍ୟ ରେ ଗଞ୍ଜାମ ଜିଲ୍ଲାପାଳଙ୍କୁ ଏକ ଲିଖିତ ଦାବିପତ୍ର ପ୍ରଦାନ କରାଯାଇଛି l ଆଇ ସି ଡି ଏସ ଯୋଜନାର ନାମ ଉଛେଦ କରାଯିବା ସହ ଅଙ୍ଗନବାଡି କର୍ମୀ ଓ ସହାୟିକା ମାନଙ୍କୁ ସରକାରୀ କର୍ମଚାରୀ ଘୋଷଣା କରାଯିବା, ସରକାରୀ କରଣ ନ ହେବା ପର୍ଯ୍ୟନ୍ତ ଅଙ୍ଗନବାଡି କର୍ମଚାରୀଙ୍କୁ ସର୍ବନିମ୍ନ ୧୮ ହଜାର ଟଙ୍କା ଓ ସହାୟିକାଙ୍କ ପାଇଁ ୯ ହଜାର ଟଙ୍କା ପ୍ରଦାନ କରାଯିବା, ଅବସର ପରେ ଅଙ୍ଗନବାଡି କର୍ମୀଙ୍କୁ ଅବସରକାଳୀନ ସହାୟତା ରାଶି ୧୦ ଲକ୍ଷ ଓ ସହାୟିକା ଙ୍କୁ ୫ ଲକ୍ଷ ଟଙ୍କା ପ୍ରଦାନ କରିବା, ପୋଷଣ ଟ୍ରାକରରେ ଏଫ ଆର ଏସ ହେଉଥିବା ନେଟୱାର୍କ ପ୍ରୋବ୍ଲେମ, ହାଇ ସ୍କେଲ ଭର୍ସନ କାର୍ଯ୍ୟ କରିବାକୁ ଉନ୍ନତ ମାନର ମୋବାଇଲ ଯୋଗାଇ ଦେବା, ବର୍ତ୍ତମାନ ମୋବାଇଲ ଦ୍ୱାରା ଅନଲାଇନ କରାଯାଉଥିବା କାର୍ଯ୍ୟକୁ ପୁନର୍ବାର ଅଫ ଲାଇନରେ ନ କରିବା, ଅଙ୍ଗନବାଡି କର୍ମଚାରୀଙ୍କୁ ୫୦ ପ୍ରତିଶତ ସିଧାସଳଖ ପଦନ୍ନତି, ପିଏଫ, ଗ୍ରାଚ୍ୟୁଇଟି, ବରିଷ୍ଠତା ଭିତ୍ତିରେ ବେତନ ବୃଦ୍ଧି କରିବା ସହିତ ଆଶ୍ରିତ ମାନଙ୍କୁ ଚିକିତ୍ସା ସୁବିଧା ପ୍ରଦାନ କରିବା ସମେତ ୧୨ ଦଫା ସମ୍ବଳିତ ଦାବି ଏବଂ ଆଞ୍ଚଳିକ ଦାବୀ ଉପରେ କୁହାଯାଇଛି l ଏହି ବିକ୍ଷୋଭ ପ୍ରଦର୍ଶନ ବେଳେ ଅଲ ଓଡିଶା ଅଙ୍ଗନବାଡି ଲେଡ଼ିଜ ୱାର୍କର୍ସ ଆସୋସିଏସନ ର ଗଞ୍ଜାମ ଜିଲ୍ଲା ସଭାନେତ୍ରୀ ହେମଲତା ମହାନ୍ତି, ସମ୍ପାଦିକା ବାସନ୍ତୀ କୁମାରୀ ପ୍ରଧାନ, ବିଏମସି ଜିଲ୍ଲା ଉପସଭାପତି ଅର୍ଜୁନ କୁମାର ବେହେରା, ସମ୍ପାଦକ ଉମା ଚରଣ ସାହୁ ଙ୍କ ସମେତ ବହୁ ଅଙ୍ଗନବାଡି କର୍ମୀ ଓ ଭାରତୀୟ ମଜଦୂର ସଙ୍ଘର ବହୁ କର୍ମୀ ଯୋଗ ଦେଇ ସରକାରଙ୍କ ବିରୁଦ୍ଧରେ ଗର୍ଜିଥିଲେ l