ଜିଲ୍ଲାପାଳ ନିୟମଗିରିରେ ଲୋକଙ୍କ ସମସ୍ୟା ବୁଝି ରାସ୍ତାର କଲେ ସମୀକ୍ଷା

ମୁନିଗୁଡ଼ା,(ନନ୍ଦ କିଶୋର ପଟ୍ଟନାୟକ): ରାୟଗଡା ଜିଲ୍ଲା ମୁନିଗୁଡା ବ୍ଲକ ଅନ୍ତର୍ଗତ ମୁନିଖୋଲ ଗ୍ରାମ ପଞ୍ଚାୟତ ତଥା ନିୟମଗିରିରେ ବସବାସ କରୁଥିବା ଲୋକଙ୍କ ପାଖରେ ସରକାରୀ ସୁବିଧା ପହଁଚୁଛି କି ନାହିଁ ଏବଂ ସେହି ଅଞ୍ଚଳରେ ବସବାସ କରୁଥିବା ଡ଼ଙ୍ଗରିଆଙ୍କ ଦୁଃଖ ବୁଝିବା ସହ ସରକାରୀ ସୁବିଧା ପହଁଞ୍ଚାଇବା ଉଦେଶ୍ୟରେ ଶନିବାର ରାୟଗଡା ଜିଲ୍ଲାପାଳ ଆଶୁତୋଷ କୁଲକର୍ଣ୍ଣି ଗସ୍ତ କରିଥିବା ଜଣାପଡିଛି,ପ୍ରଥମେ ଆକାଂକ୍ଷା ଗ୍ରାମ ସକଟାରେ ପହଞ୍ଚି ଜନମନ ଯୋଜନାରେ ଘର ନିର୍ମାଣ, ଅଙ୍ଗନବାଡି ଗୃହ, ସ୍କୁଲ, ଆରୋଗ୍ୟ କେନ୍ଦ୍ର ଆଦି ବୁଲି ଦେଖିବା ପରେ କିଛି ହିତାଧିକାରୀଙ୍କୁ ଜାତି ଓ ବାସିନ୍ଦା ପ୍ରମାଣପତ୍ର ପ୍ରଦାନ କରିଛନ୍ତି। ପରେ ସକଟା ଗ୍ରାମ ନିକଟ ଝରଣାରେ ଏକ ଆଡିବନ୍ଧ ନିର୍ମାଣ ସହ ଦୀର୍ଘ ବର୍ଷ ହେବ ନିର୍ମାଣଧୀନ ସକଟା ଠାରୁ ଆମ୍ବଧୂନି ପର୍ଯ୍ୟନ୍ତ ରାସ୍ତାର ସ୍ଥିତି ମଧ୍ୟ ପରଖିଛନ୍ତି। ଏଥିସହ ବିଭିନ୍ନ ଗାଁକୁ ଥିବା ରାସ୍ତା ବୁଲି ଦେଖିବା ସହ ନିୟମଗିରୀର ସବୁ ଗାଁକୁ କିଭଳି ପକ୍କା ରାସ୍ତା ଶୀଘ୍ର ନିର୍ମାଣ ହେବ ସେନେଇ ବିଭାଗୀୟ ଅଧିକାରୀଙ୍କୁ ନିଁର୍ଧେଶ ଦେଇଛନ୍ତି। ଏତଦ ବ୍ୟତୀତ ଢ଼ାମାଣପଙ୍ଗା ଠାରୁ ପାଟଶାଳୀ ପର୍ଯ୍ୟନ୍ତ ରାସ୍ତା ନିର୍ମାଣ କରି ମୁନିଗୁଡା ଓ କଲ୍ୟାଣସିଂପୁର ବ୍ଲକ ସହ ସଂଯୋଗ କରାଯିବା ନେଇ ଯୋଜନା କରାଯାଇଥିବା ବେଳେ ସରକାର ବିଶେଷ କରି ଡ଼ଙ୍ଗରିଆଙ୍କ ପାଇଁ ବିଭିନ୍ନ ଯୋଜନା ପ୍ରଣୟନ କରୁଥିବା ବେଳେ ସେଗୁଡିକର କାର୍ଯ୍ୟକାରୀ ସ୍ଥିତି ପରଖିବାକୁ ପରିଦର୍ଶନ କରିବା ସହ ସରକାରଙ୍କ ସମସ୍ତ ଯୋଜନା ଗୁଡିକର ଲାଭ ଉଠାଇବାକୁ କହିଥିଲେ, ଅପର ପକ୍ଷେ ନିୟମଗିରୀର ମୁନିଖୋଲ ପଞ୍ଚାୟତର ବିଭିନ୍ନ ଗାଁ କୁ ଏବେ ପକ୍କା ରାସ୍ତା ନିର୍ମାଣ ହୋଇ ପାରିବା ସହ ସେମାନଙ୍କ ଦୀର୍ଘ ଦିନର ଦାବି ପୂରଣ ହେବାନେଇ ଆଶା କରାଯାଉଛି ବୋଲି ମୁନିଖୋଲ ଗ୍ରାମ ପଞ୍ଚାୟତ ସରପଞ୍ଚ ପାଇକ ଜାକାକା ପ୍ରକାଶ କରିଛନ୍ତି,ଏହି ଗସ୍ତ ସମୟରେ ଜିଲ୍ଲାପାଳ ଶ୍ରୀ କୁଲକର୍ଣ୍ଣିଙ୍କ ସମେତ ଉପ ଜିଲ୍ଲାପାଳ ଗୁଣୁପୁର ଅଭିଷେକ ଡୁଡାଲ,ସିଡିଓ ରାୟଗଡା ଅକ୍ଷୟ କୁମାର ଖେମୁଣ୍ଡ,ପିଏ ଆଇଟିଡିଏ ଗୁଣୁପୁର ଅଜୟ କୁମାର ପ୍ରଧାନ, ମୁନିଗୁଡା ତହସିଲଦାର ଏମ.ଅନୁରାଧା,ବ୍ଲକ ଏଇ ଭି.ଶ୍ରୀନିବାସ ରାଓ, ବ୍ଲକ ମଙ୍ଗଳ ଅଧିକାରୀ କୃଷ୍ଣଚନ୍ଦ୍ର ବେହେରା, ଯୋଗାଣ ଅଧିକାରୀ ଆଶିଷ କୁମାର ସାହୁ ପ୍ରମୁଖଙ୍କ ସମେତ ଅନ୍ୟ ଅଧିକାରୀ ମାନେ ଉପସ୍ଥିତଥିଲେ ।