ଗଜପତି ଜିଲ୍ଲାସ୍ତରୀୟ ଜାତୀୟ ପ୍ରେସ୍ ଦିବସ ପାଳିତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲା ପରିଷଦ ସଭା ଗୃହରେ ଜିଲ୍ଲା ସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୪ ପାଳିତ ହୋଇ ଯାଇଛି। ଗଜପତି ଜିଲ୍ଲାର ସମସ୍ତ ଖବର କାଗଜ, ଡିଜିଟାଲ ମିଡ଼ିଆର ଜିଲ୍ଲା ପ୍ରତିନିଧି ମାନଙ୍କୁ ନେଇ ଏଇ ଜିଲ୍ଲା ସ୍ତରୀୟ ଜାତୀୟ ପ୍ରେସ୍ ଦିବସ ୨୦୨୪ ପାଳିତ ହୋଇ ଯାଇଛି। ଜିଲ୍ଲାପାଳ ବିଜୟ କୁମାର ଦାସ ଏଥିରେ ମୁଖ୍ୟ ଅତିଥି ଭାବେ ଯୋଗଦେଇ ଗଣମାଧ୍ୟମ କୁ ଚତୁର୍ଥ ସ୍ତମ୍ଭ ବୋଲି କହିବା ସହିତ ସାମ୍ବାଦିକ ମାନଙ୍କ କର୍ତ୍ତବ୍ୟ ଓ ସମାଜ ପାଇଁ ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ। ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଡଃ ଗୁଣନିଧି ନାୟକ, ଅତିରିକ୍ତ ନିର୍ବାହୀ ଅଧିକାରୀ, ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ଗରୁଡ ଧ୍ଵଜ ଚୌଧୁରୀ , ବସନ୍ତ ପଣ୍ଡା, ପ୍ରମୁଖ ମଞ୍ଚାସିନ ଥିଲେ ଜାତୀୟ ପ୍ରେସ ଦିବସ ରେ ଉଦବୋଧନ ଦେଇ ଆଜିକାଲିର ଡିଜିଟାଲ ଦୁନିଆରେ ସାମ୍ବାଦିକତା କରିବା ସହଜ ହୋଇପଡିଛି ପୂର୍ବରୁ ଯେଉଁମାନେ ସାମ୍ବାଦିକ କାର୍ଯ୍ୟ କରି ଆସୁଥିଲେ ସେମାନେ ବାହୁକଷ୍ଟ ସ୍ବୀକାର କରି ଏହାକୁ ସମାଜ ସେବା ଭାବେ ଗ୍ରହଣ କରି କାର୍ଯ୍ୟ କରୁଥିଲେ l ବର୍ତ୍ତମାନ ସାମ୍ବାଦିକ କରିବାକୁ ହେଲେ ବିଜ୍ଞାପନ ଠାରୁ ଆରମ୍ଭ କରି ଖବର କାଗଜ ବିକିବା କାର୍ଯ୍ୟ ମଧ୍ୟ କରିବାକୁ ପଡୁଛି l ଆଜିର ଏହି ପରିସ୍ଥିତିରେ ଜଣେ ସାଧାରଣ ଯୁବକ ସାମ୍ବାଦିକତା କାର୍ଯ୍ୟ କରିବା କଷ୍ଟ ହୋଇ ପଡୁଛି ବୋଲି କହିଥିଲେ l ଅନ୍ୟମାନଙ୍କ ମଧ୍ୟରେ ସାମ୍ବାଦିକ ଗଣେଶ ରାଜୁ, ରଶିରଞ୍ଜନ ମିଶ୍ର ବିବେକାନନ୍ଦ ବେହେରା, ବାସୁଦେବ ଦାସ, ଗୋବିନ୍ଦ ଆଚାର୍ଯ୍ୟ, ରୁପେଶ୍ ସାହୁ, ଦିଲୀପ ଶତପଥୀ, ବାଦଲ ବର୍ଦ୍ଧନ, ସୋରଜ ବିର, ଅମିତ ପଟ୍ଟନାୟକ ବିଜୟ ଗୌଡ଼ କୃଷ୍ଣ ବେହେରା, ଶିଶିର ଗୋଡ଼, ମୁନା ପରିଛା ପି. ଅନିଲ, ଶ୍ରୀକାନ୍ତ ମହାରଣା ପରିଶେଷରେ ସାମ୍ବାଦିକ ପ୍ରଦୀପ ନାୟକ ଧନ୍ୟବାଦ୍ ଅର୍ପଣ କରିଥଲେ l