ଦୁଇ ବାଇକ ମୁହାଁମୁହିଁ, ଜଣେ ମୃତ

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି ଥାନା ଅନ୍ତର୍ଗତ ଚାମୁଣ୍ଡା ମନ୍ଦିର ନିକଟ ମୂଖ୍ଯରାସ୍ତାରେ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି।ମୃତ ଯୁବକ ଜଣକ ଫାସିଗୁଡା ପଞ୍ଚାୟତ ଧେରେଣ୍ଡି ଗ୍ରାମର ଟୁଟୁ ଗୌଡ (୩୫) ବୋଲି ଜଣା ଯାଇଥିବା ବେଳେ ଗୁରୁତର ଯୁବକ ଜଣକ ସାନଖେମୁଣ୍ଡି ବ୍ଲକ ଶୁଣ୍ଢିପଲି ଗ୍ରାମର ପବିତ୍ର ଦୋରା (୩୩) ବୋଲି ଜଣାଯାଇଛି।ଉଭୟଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଦିଗପହଣ୍ଡି ସ୍ବାସ୍ଥ୍ଯକେନ୍ଦ୍ରକୁ ଅଣାଯାଇଥିଲା।ଉପସ୍ଥିତ ଡାକ୍ତର ଟୁଟୁଙ୍କୁ ମୃତ ଘୋଷଣା କରିବା ସହ ଗୁରୁତର ପବିତ୍ରଙ୍କୁ ବ୍ରହ୍ମପୁର ଏମକେସିଜି ମେଡିକାଲକୁ ପ୍ରେରଣ କରିଥିଲେ।ଖବର ପାଇ ଦିଗପହଣ୍ଡି ପୋଲିସ ମେଡିକାଲରେ ପହଞ୍ଚି ମୃତଦେହ ଜବତ କରି ତଦନ୍ତ ଚଳାଇବା ସହ ଦୁର୍ଘଟଣା ଗ୍ରସ୍ତ ବାଇକ ଜବତ କରିଥିବା ମଧ୍ୟ ଜଣାପଡିଛି।ଜାତୀୟ ରାଜପଥ ନଂ. ୩୨୬ ପ୍ରଶସ୍ତିକରଣ ନାମରେ କୌଣସି ସତର୍କ ସୂଚନା ଫଳକ ନଦେଇ ଠିକାଦାର ନିଜ ଇଚ୍ଛାରେ ରାସ୍ତା ନିର୍ମାଣ ଚଳାଇଥିବାରୁ ଉଭୟ ଆସିକା ଏବଂ ତପ୍ତପାଣି ରାସ୍ତାରେ ଏଭଳି ବାରମ୍ବାର ଦୁର୍ଘଟଣା ଘଟୁଥିବା ନେଇ ସାଧାରଣରେ ଅଭିଯୋଗ ହୋଇଛି।