ବାଲିଗୁଡ଼ା ପୋଲିସ୍ ପକ୍ଷରୁ ଜୁଆ ଆଡ୍ଡାରେ ଚଢ଼ାଉ,୬ ଜୁଆଡି ଗିରଫ

ମୋହନା,(ଅଂଶୁମାନ ପଣ୍ଡା):ଲକ୍ ଡାଉନ୍ ବେଳେ କନ୍ଧମାଳ ଜିଲ୍ଲା ବାଲିଗୁଡ଼ା ପୋଲିସ ଦ୍ୱାରା ମହାସିଙ୍ଗି ଜୁଆ ଆଡ୍ଡାରେ ଚଢ଼ାଉ । ଛ ଜଣ ଜୁଆଡ଼ିକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ । ସେମାନଙ୍କ ନିକଟରୁ ନଗଦ ୪୧୫୦ଟଙ୍କା ସହ ଚାରୋଟି ମୋଟରସାଇକେଲ ଓ ଗୋଟିଏ ସାଇକେଲ ଓ ଚାରୋଟି ମୋବାଇଲ୍ ଫୋନ୍ ଜବତ ହୋଇଛି ।ମହାମାରୀ କରୋନାକୁ ନେଇ ସାରାଦେଶରେ ଲକ୍ ଡାଉନ୍ ଯାରି ହୋଇଥିବାବେଳେ ବିନା କାରଣରେ ଘରୁ ବାହାରକୁ ନବାହାରିବାସହ ସାମାଜିକ ଦୂରତା ରଖିବାପାଇଁ ଜନସାଧାରଣଙ୍କୁ ନିବେଦନ କରାଯାଉଛି ।ଏଭଳି ସ୍ଥିତିରେ ବାଲିଗୁଡ଼ା ଥାନା ମହାସିଙ୍ଗି ଅଞ୍ଚଳର କିଛି ଅମାନିଆ ଏକାଠି ହୋଇ ଜୁଆ ଖେଳୁଥିବା ଖବର ପାଇ ଚଢ଼ାଉ କରି ସେମାନଙ୍କ ବିରୁଦ୍ଧରେ ଲକ୍ ଡାଉନ୍ ନିୟମ ଭଙ୍ଗ ଦଫା ଓ ଜୁଆ ଖେଳ କେଶ ନ ୬୯/୨୦୨୦ ଦଫାରେ ଗିରଫ କରାଯାଇଛି ବୋଲି କହିଛନ୍ତି ବାଲିଗୁଡ଼ା ଆଇ ଆଇସି ପ୍ରଶାନ୍ତ କୁମାର ବେହେରା