ବିଶ୍ଵକର୍ମା ସମାଜ, ପକ୍ଷୀସ୍ବ ଗୋତ୍ର, ସୂତ୍ରଧାର ବଂଶର ମହାସଭା

ପୋଲସରା, (ଅନିଲ କୁମାର ମହାରଣା):ବିଶ୍ଵକର୍ମା ସମାଜ, ପକ୍ଷୀସ୍ବ ଗୋତ୍ର, ସୂତ୍ରଧାର ବଂଶର ଦଶମ ସାମ୍ବିଧାନିକ ଅଧିବେଶନ ଓ ମହାସଭା ପୋଲସରା ବ୍ଲକ ଅନ୍ତର୍ଗତ ଚିରିକିପଡା ଶାସନ ଗ୍ରାମର ବାଲୁଙ୍କେଶ୍ୱର ମନ୍ଦିର ପ୍ରାଙ୍ଗଣରେ ମାର୍ଚ୍ଚ ୧୩ ଓ ୧୪ ତାରିଖ ଦୁଇଦିନ ଧରି ଅନୁଷ୍ଠିତ ହୋଇଥିଲା। ଦୁଇ ଦିନିଆ କାର୍ଯ୍ୟକ୍ରମରେ ବଂଶର ସଭାପତି ଲକ୍ଷ୍ମୀ ମହାରଣା ଅଧ୍ୟକ୍ଷତା କରିଥିଲେ। ପ୍ରଥମ ଦିନ ପଞ୍ଜିକରଣ କାର୍ଯ୍ୟ ସହ ଅଭିଯୋଗ ପତ୍ର ଗ୍ରହଣ କରାଯାଇଥିଲା। ଦ୍ଵିତୀୟ ଦିବସରେ ଅଭିଯୋଗର ବିଚାର ଓ ସମାଧାନ କରିବା ସହ ବିଭିନ୍ନ ବିଷୟରେ ଆଲୋଚନା ହୋଇଥିଲା। ପରେ ନୂତନ କର୍ମକର୍ତ୍ତା ନିର୍ବାଚନ ହୋଇଥିଲା। ବର୍ତ୍ତୀନ ର ଲକ୍ଷ୍ମୀ ମହାରଣା ସଭାପତି, ନିମପଦର ର ଖଦାଳ ମହାରଣା ଉପସଭାପତି, କାନଗିରିଡି ର ହିମାଂଶୁ ମହାରଣା ସମ୍ପାଦକ, ମାଗୁରାପୁଞ୍ଜା ର ସୀମାଞ୍ଚଳ ମହାରଣା ଯୁଗ୍ମ ସମ୍ପାଦକ, ମୋଟବାଡି ର ଶିବ ଶଙ୍କର ମହାରଣା କୋଷାଧ୍ୟକ୍ଷ, ଦୟାନିଧି ମହାରଣା, ଦେବରାଜ ମହାରଣା, ବିଶ୍ଵନାଥ ମହାରଣା,ଓ ରବୀନ୍ଦ୍ର ମହାରଣା ଉପଦେଷ୍ଟା ମଣ୍ଡଳୀ ଏବଂ ଗୋପୀନାଥ ମହାରଣା, ବୁଦ୍ଧିରାମ ମହାରଣା, ବିନୋଦ ମହାରଣା, ଖଦାଳ ମହାରଣା, ସନ୍ତୋଷ ମହାରଣା, ନିରଞ୍ଜନ ମହାରଣା, ନରହରି ମହାରଣା, ଓ କୃଷ୍ଣ ମହାରଣା କାର୍ଯ୍ୟକାରୀ କମିଟି ସଭ୍ୟ ଭାବେ ସର୍ବସମ୍ମତି କ୍ରମେ ନିର୍ବାଚନ ହୋଇଥିଲେ। ନୂତନ କର୍ମକର୍ତ୍ତା ବୃନ୍ଦ ଶପଥ ପାଠ କରିବା ସହ କାର୍ଯ୍ୟଭାର ଗ୍ରହଣ କରିଥିଲେ। ଖଦାଳ ମହାରଣା ସଂଯୋଜନା କରିଥିବା ବେଳେ ଭଗବାନ ମହାରଣା ଧନ୍ୟବାଦ ଅର୍ପଣ କରିଥିଲେ।