ମଦ କାରବାର ବନ୍ଦପାଇଁ ଅଣ୍ଟାଭିଡ଼ିଲେ ମହିଳା ସଂଘ

ବାଲିଗୁଡା, (ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜ଼ିଲ୍ଲା ବାଲିଗୁଡା ଥାନା ଅଞ୍ଚଳରେ  ଦିନକୁ ଦିନ ଦେଶୀ ମଦକାରବାର ବୃଦ୍ଧି ପାଉଛି l ଗାଁ ଗାଁରେ କୋରନା କଟକଣାକୁ  ଅବମାନନା କରି ଦେଶୀ ମଦ କାରଖାନା ବୃଦ୍ଧି ପାଇଛି ଓ ବହୁଳ ପ୍ରଚଳନ ଚାଲିଛି | ମଦ ପିଇ  ଘରେ ଘରେ ଅଶାନ୍ତି ବାତାବରଣ ବିଶୃଙ୍ଖଳା  ସୃଷ୍ଟି ହେଉଛି   ଘରୁ ଧାନ ଚାଉଳ ଆସବାବପତ୍ର  ବିକ୍ରୟ କରି ମଦପିଇ  ସର୍ବସ୍ବାନ୍ତ  ହେଲେଣି l ଏ ନେଇ ବାଲିଗୁଡା ଥାନା ଅନ୍ତର୍ଗତ ତିଲୋରୀ ପଞ୍ଚାୟତ  ଡେମିଙ୍ଗିଆ ଓ ଗଣ୍ଡିଗୁଡା ରାଜସ୍ବ ଗ୍ରାମରେ ମଦ୍ୟପଙ୍କ ଯୋଗୁଁ ସାମାଜିକ ଅସ୍ଥିରତା ଘରୋଇ ହିଂସା ବୃଦ୍ଧି ପାଇଛି ପାଇଛି l ବୁଡ଼ାଗୁଡା ଫାଣ୍ଡି ବନ୍ଦପରେ  ମଦ ଭାଟି ଓ  ଅସାମାଜିକ କାର୍ଯ୍ୟକଳାପ  ବୃଦ୍ଧି ପାଇଛି l ଅବକାରୀ ବିଭାଗ ମଦ ବ୍ୟବସାୟୀଙ୍କ ଠାରୁ  ବଟିନେଇ ଚୁପ ରହୁଥିବା  ଅଭିଯୋଗ ହେଉଛି l ବାଲିଗୁଡା ଥାନା ପୋଲିସର  ନିୟମିତ  ବ୍ୟବଧାନରେ ପାଟ୍ରୋଲିଂ  ହେଉନଥିବାରୁ  ଚୋରା ମଦ ବ୍ୟବସାୟୀ  ଅବାଧରେ  ମଦ କାରବାର  କରି ଚାଲିଥିବା  ଅଭିଯୋଗ ମଧ୍ୟ ହେଉଛି l ଏହାକୁ ବିରୋଧ କରି ମହିଳା ସଂଘ ସମେତ ଗ୍ରାମବାସୀ ବାଲିଗୁଡା ଉପଜ଼ିଲ୍ଲା ପାଳ ଶୁଭଙ୍କର ମହାପାତ୍ର ଏସ ଡି ପି ଓ ମାନସ ରଞ୍ଜନ ବାରିକଙ୍କୁ ମଦକାରବାର  ବନ୍ଦପାଇଁ ଦାବୀପତ୍ର ଦେଇଛନ୍ତି l ପୂର୍ବରୁ ବାଲିଗୁଡା ଥାନାରେ ଏନେଇ ଅଭିଯୋଗ କରିଥିବା କହିଛନ୍ତି ଗ୍ରାମବାସୀ l  ଅଞ୍ଚଳରେ ମଦ ବନ୍ଦ ପାଇଁ ପଦକ୍ଷେପ ନିଆଯିବ ବୋଲି ଉପ ଜ଼ିଲ୍ଲାପାଳ ଓ ଏସ ଡି ପି ଓ ପ୍ରତିଶୃତି ଦେଇଛନ୍ତି l ଅଞ୍ଚଳରେ  ମଦ କାରବାରକୁ ରୋକିବାକୁ  ପ୍ରଶାସନ କଡା ପଦକ୍ଷେପ ନେବ ବୋଲି ମହିଳା ସଂଘ ଓ ଗ୍ରାମବାସୀ ଆଶାଵ୍ୟକ୍ତ କରିଛନ୍ତି l