ଯବାନଙ୍କ ମୃତ ଦେହ ଉଦ୍ଧାର
କଳାହାଣ୍ଡି, (ୱାଇଏନ୍ଏସ୍): କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ନାନ୍ଦୋଲ- କେନ୍ଦୁପାଟି ରାସ୍ତା ମଧ୍ୟରେ ଥିବା ଏକ ପୋଲ ତଳୁ ଆଇଆରବି ଯବାନଙ୍କ ମୃତ ଦେହ ଉଦ୍ଧାର ହୋଇଥିବା ଜଣାପଡିଛି । ତାଙ୍କ ନାମ ସୁରେଶ ମଙ୍ଗରାଜ, ସେ ଆଇଆରବି 9th ବେଟେଲିଏନର ଯବାନ l ସେ ଜାରିଙ୍ଗ ସ୍ଥିତ ଆଇଆରବି କେମ୍ପ ରେ କାର୍ଯ୍ୟରତ ଥିଲେ । ସେ ଗତକାଲି ବିଳମ୍ବିତ ରାତ୍ରିରେ ଜାରିଂଙ୍ଗ ସ୍ଥିତ କ୍ୟାମ୍ପରୁ ଛୁଟି ନେଇ ନିଜ ଘର ଗୋଳାମୁଣ୍ଡାକୁ ବାଇକରେ ଫେରୁଥିଲେ ହେଲେ ଆଜି ଏକ ପୋଲ ତଳୁ ଏକ ବାଇକ୍ ଓ ତାଙ୍କ ମୃତ ଦେହ ଗ୍ରାମବାସି ଦେଖି ସ୍ଥାନୀୟ ପୋଲିସକୁ ଖବର ଦେଇ ଥିଲେ ଘଟଣା ସ୍ଥଳରେ ଜୁନାଗଡ଼ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି ।
