ସଡ଼କ ଦୁର୍ଘଟଣା ; ଜଣେ ମୃତ, ୨ ଗୁରୁତର

ଦିଗପହଣ୍ଡି, (ଯୁଗାବ୍ଦ ନ୍ୟୁଜ):ଦିଗପହଣ୍ଡି ଥାନା ଅଞ୍ଚଳରେ ବୁଧବାର ସନ୍ଧ୍ୟାରେ ପୃଥକ୍ ଭାବେ ୨ ଟି ସଡ଼କ ଦୁର୍ଘଟଣା ଘଟିଛି। ଏକ ହାଇୱା ଗାଡି ମାଡ଼ି ଯିବାରୁ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଏକ ବାଇକ୍ ଦୁର୍ଘଟଣାରେ ୨ ଜଣ ଯୁବକ ଗୁରୁତର ଆହତ ହୋଇଥିବା ଜଣାପଡିଛି। ଦିଗପହଣ୍ଡି – ପାଟପୁର ମୁଖ୍ୟରାସ୍ତା ର  ଆଙ୍କୋରଡା ଗ୍ରାମ ଛକ ନିକଟରେ ଏକ ହାଇଓ୍ବା ଗାଡି ଧକ୍କାରେ ଚାଞ୍ଚଡାପଲ୍ଲୀ ଗ୍ରାମର ମାଗି ବିଷୋୟୀ ନାମକ ଜଣେ ଯୁବକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି।ତାଙ୍କୁ ଆମ୍ବୁଲାନ୍ସ ଯୋଗେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରକୁ ନିଆଯାଇଥିଲା।ଉପସ୍ଥିତ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।ସେହିଭଳି ଦିଗପହଣ୍ଡି ଥାନା କୁଶପଡ଼ା ପଞ୍ଚାୟତ କେଦାରପୁର ଗାଁ ରାସ୍ତାରେ ଚଳନ୍ତା ବାଇକ ଆଗକୁ ଏକ ବନ୍ୟଜନ୍ତୁ ବାରହା ଆସିଯିବା ଫଳରେ ବାଇକ  ଦୁର୍ଘଟଣା ଘଟି ୨ ଯୁବକ ଗୁରୁତର ଆହତ ହୋଇଛନ୍ତି। ସେମାନେ ହେଲେ  କେଦାରପୁର ଗ୍ରାମର ପ୍ରଭାତ ସେଠୀ ଓରଫ ରିଙ୍କୁ  ଏବଂ ସନ୍ତୋଷ ସେଠୀ । ଉଭୟଙ୍କୁ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ସେ ଦୁହିଁଙ୍କୁ ବ୍ରହ୍ମପୁର ବଡ ମେଡିକାଲକୁ ପଠାଇ ଦିଆଯାଇଛି।ଗୋକର୍ଣ୍ଣପୁର ଗ୍ରାମରୁ ସଉଦା କିଣି କେଦାରପୁର ଗାଁ କୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାପଡିଛି।