ଜାଗର ଯାତ୍ରା ସକାଶେ ସାଂସ୍କୃତିକ ଆସର

ହିଞ୍ଜିଳିକାଟ,(ଶେଷଦେବ ସାହୁ): ହିଂଜିଳିକାଟୁ ବ୍ଳକ ମକରଝୋଳ ଠାରେ ଶୁକ୍ରବାର ଜାଗର ଯାତ୍ରା ଅବସରରେ ହିଂଜିଳିକାଟୁର ସୃଷ୍ଟି ଓ ନୃତ୍ୟୁମ ଅନୁଷ୍ଠାନର ମିଳିତ ସହଯୋଗରେ ସାଂସ୍କୃତିକ ଆସର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅ।।ୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ହିଂଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ଯୋଗଦେଇ ପ୍ରଦୀପ ପ୍ରଜ୍ଜଳନ ପୂର୍ବକ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ । ମୁଖ୍ୟ ବକ୍ତା ଭାବେ ଆସିକା ସଂସଦଙ୍କ ବ୍ୟକ୍ତିଗତ ସହାୟକ ନିଳମଣି ପଟ୍ଟନାୟକ ଓ ସମ୍ମାନିତ ଅତିଥି ଭାବେ ପ୍ରେସକ୍ଳବ ସଭାପତି ପ୍ରିୟଦର୍ଶୀ ପଟ୍ଟନାୟକ, ଗଂଜାମ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶରତ ଚନ୍ଦ୍ର ମହାରଣା, ଓଡ଼ିଶା ଜୀବିକା ମିଶନର ପ୍ରଶିକ୍ଷଣ ଦାତା ଶୁକଣ୍ଠ ପଣ୍ଡା ପ୍ରମୁଖ ମଂଚାସିନ ରହି ଅନୁଷ୍ଠାନର ଶିଶୁ କଳାକାରଙ୍କୁ ଉତ୍ସାହିତ କରିଥିଲେ । ନୃତ୍ୟମ ଅନୁଷ୍ଠାନର ଉପସଭାପତି ମଂଚ ପରିଚାଳନା କରିବା ସହ ଅତିଥି ପରିଚୟ ପ୍ରଦାନ କରିଥିଲେ । ଅନୁଷ୍ଠାନର ଶିଶୁ କଳାକାରଙ୍କ ନୃତ୍ୟରେ ଗ୍ରାମ ଦୁଲୁକି ଉଠିଥିଲା । ଆୟୋଜିତ କାର୍ଯ୍ୟକ୍ରମରେ ଅଂଚଳର ଲକ୍କାୟିତ ପ୍ରତିଭାବନ କୈବଲ୍ୟ ବାଡ଼ତ୍ୟା, ମନୋଜ କୁମାର ସାହୁଏବଂ ତାନିରୁ ଶ୍ରୀନିବାସ ଦାସଙ୍କୁ ବରିଷ୍ଠ କଳାକାର ସମ୍ମାନ ଓ ନୃତ୍ୟୁମ ଅନୁଷ୍ଠାନର ଶିଶୁ କଳାକାର ସାଇସ୍ମୃତି ପଟ୍ଟନାୟକଙ୍କୁ କୃତି କଳାକାର ସମ୍ମାନ ୨୦୨୦ରେ ଅତିଥି ମାନଙ୍କ ଦ୍ୱାର ସମ୍ମାନିତ କରାଯାଇଥିଲା । ଓଡ଼ିଶୀ ଗୁରୁ ମାନସ ରଂଜନ ରଥ, ରବି ଶଙ୍କର ମାଝି, ପଶ୍ଚିମବଙ୍ଗର ସିନେ ନିର୍ଦ୍ଦେଶକ ସୁମନ ଦା, ଅନୁଷ୍ଠାନର ନିର୍ଦ୍ଦେଶକ କୃଷ୍ଣଚନ୍ଦ୍ର ସାହୁ, ଲଳିତ କୁମାର ସେଠି, ଶ୍ୟାମଘନ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଅନୁରୂପ ଭାବେ ସ୍ଥାନୀୟ ବ୍ଳକ ପୋଡ଼ିଙ୍ଗି ଠାରେ ସ୍ୱେଛାସେବୀ ଅନୁଷ୍ଠାନ ପଲ୍ଲୀ ବିକାଶ ପକ୍ଷରୁ ଗ୍ରାମର ବାଲୁଙ୍କେଶ୍ୱର ମନ୍ଦିର ପରିସରରେ ୧୦୦୮ ଦୀପଦାନ କାର୍ଯ୍ୟକ୍ରମ ଓ ସ୍ଥାନୀୟ ପୌରାଂଚଳ ନୁଆଁଗଡ଼ ବାଲୁଙ୍କେଶ୍ୱର ମନ୍ଦିର ପରିସରରେ ଏକ ଲକ୍ଷ ଆଠ ଦୀପଦାନ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ଶନିବାର ଅନ୍ନଯଜ୍ଞର ଆୟୋଜନ କରାଯାଇଥିଲା । କାର୍ଯ୍ୟକ୍ରମକୁ ସଂପୃକ୍ତ ଗ୍ରାମବାସୀ ଓ ତ୍ରିରଙ୍ଗା ସେବା ସଂଘର ସଦସ୍ୟ ବୃନ୍ଦ ପରିଚାଳନାରେ ସହଯୋଗ କରିଥିଲେ ।