ମହିଳାଙ୍କ ସନ୍ଦେହଜନକ ମୃତ୍ୟୁ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ): ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ଯୋଡାପୋଖରୀ ଗାଁରେ ଏକ ମହିଳାଙ୍କ ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ପ୍ରକାଶ ଥାଉକି ଯୋଡ଼ା ପୋଖରୀ ଗାଁ ର ଈଶ୍ୱର ପାତ୍ରଙ୍କ ପରିବାର ଗୁରୁବାର ରାତିରେ ଖାଇ ପିଇକି ଶୋଇଥିଲେ । ହଠାତ୍ ରାତି ୨.୩୦ ଟା ୩ ଟା ପାଖାପାଖି ସମୟରେ ଈଶ୍ୱର ପାତ୍ରଙ୍କ ଉଠି ଦେଖନ୍ତେ ତାଙ୍କର ଅବିବାହିତ ଝିଅ ଆସନ୍ତି ପାତ୍ର(୨୭) ଘର ସାମନାରେ ତଳେ ପଡିଛି । ସେଇଠୁ ତାଙ୍କୁ ରାତାରାତି ରାଇରଙ୍ଗପୁର ହସ୍ପିଟାଲରକୁ ଆଣିଥିଲେ । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଶୁକ୍ରବାର ଦିନ ରାଇରଙ୍ଗପୁର ଗ୍ରାମାଞ୍ଚଳ ପୋଲିସ ଖବର ପାଇଁ ଛାନଭିନ ଆରମ୍ଭ କରିଥିଲେ ଏବଂ ଅପମୃତ୍ୟୁ ମାମଲା ୧୨/୨୦ ରୁଜୁ କରିବା ସହ ଶବ ବ୍ୟବଚ୍ଛେଦ କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି ।