ଗୋରୁମହିଷାଣୀରେ ବିର୍ସା ମୁଣ୍ଡାଙ୍କ ୧୨୦ ତମ ଶ୍ରାଦ୍ଧ ଦିବସ ପାଳିତ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ବାଳ):ମହାନ ସ୍ବାଧୀନତା ସଂଗ୍ରାମୀ ତଥା ଆଦିବାସୀଙ୍କ ପ୍ରାତଃ ସ୍ମରଣୀୟ ଯୁବ ନେତା ବିର୍ସା ମୁଣ୍ଡାଙ୍କ ୧୨୦ ତମ ଶ୍ରାଦ୍ଧ ଦିବସ ମଙ୍ଗଳବାର ଦିନ ଗୋରୁମହିଷାଣୀ ଠାରେ ଆଦିବାସୀ ମୁକ୍ତି ମୋର୍ଚ୍ଚା ଯୁବନେତା ଲକ୍ଷ୍ମଣ ଟୁଡୁଙ୍କ ନେତୃତ୍ବରେ ଧୁମଧାମରେ ପାଳିତ ହୋଇଯାଇଛି । ପ୍ରାରମ୍ଭରେ ଗୋରୁମହିଷାଣୀ ବଜାରରେ ସ୍ଥାପିତ ହୋଇଥିବା ଶହୀଦ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟା ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଥିଲା ।ପରେ ବିର୍ସା ମୁଣ୍ଡାଙ୍କ ଜୀବନ,ଖୁବ କମ ବୟସରେ ବ୍ରିଟିଶ ଶାସନର ଅନ୍ୟୟ ବିରୁଦ୍ଧରେ ସଂଗ୍ରାମ,ସମାଜରୁ କୁସଂସ୍କାର ହଟାଇବା ବିରୁଦ୍ଧରେ ସେ ସଂଗ୍ରାମ ଜାରି ରଖିବା ଉପରେ ଉପସ୍ଥିତ ସଂଗ୍ରାମୀ ଯୁବସାଥକ ବକ୍ତବ୍ୟ ରଖିଥିଲେ ।ଏହି କାର୍ଯ୍ୟକ୍ରମରେ ନାଏକ ବାବା ଗାଲକୁ ମୁଣ୍ଡାରୀ,ରତ୍ନ ମୁଣ୍ଡା, ବିକାଶ ମଣ୍ଡଳ,ପରିମିତ କୁମାର ମଣ୍ଡଳ,କନ୍ୟା ବାକି,ଭିମ ଗଡସରା, ମହମ୍ମଦ ସଲିମ, ଦୁର୍ଗା ମହାନ୍ତି ପ୍ରମୁଖ ସାମିଲ ହୋଇଥିଲେ ।