ଶିଆଳିଆ ଛକରେ ବାଇକ୍ ଦୁର୍ଘଟଣା ଜଣେ ମୃତ, ଅନ୍ୟ ଜଣେ ଆହତ

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ଥାନା ଅଧିନ ତଥା ବନ୍ତ-ବାରିକପୁର ରାସ୍ତାର ଶିଆଳିଆ ଛକ ଠାରେ ରବିବାର ସନ୍ଧ୍ୟାରେ ବାଇକ୍ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିବା ବେଳେ ଅନ୍ୟ ଜଣେ ଆହତ ହୋଇଥିବା ଜଣାଯାଇଛି । ବନ୍ତ ଥାନା ଅଧିନ ଦୋଳପଦୀ ଗ୍ରାମର ଘନ ମୁଣ୍ଡା(୨୫) ମୃତ୍ୟୁ ବରଣ କରିଥିବା ବେଳେ ନନ୍ଦିପଦା ଥାନା ଅଧିନ ବେଲବନ୍ଧ ଗ୍ରାମର ପୁନିଆ ମୁଣ୍ଡା(୨୨) ଆହତ ହୋଇ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧିନ ଅଛନ୍ତି । ପ୍ରକାଶ ଯେ, ରବିବାର ସନ୍ଧ୍ୟା ସମୟରେ ଉଭୟ ଯୁବକ ଏକ ସ୍କୁଟି ଯୋଗେ ବନ୍ତରୁ ବାରିକପୁର ଆଡକୁ ଯାଉଥିଲେ । ଶିଆଳିଆ ଛକ ଠାରେ ଭାରସାମ୍ୟ ହରାଇ ନୟନଜୋରୀକୁ ଖସି ଦୁର୍ଘଟଣାଗ୍ରସ୍ତ ହୋଇଥିଲେ । ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ପୋଲିସ ପହଂଚି ସେମାନଙ୍କୁ ଭଦ୍ରକ ଡାକ୍ତରଖାନା ନେଇଥିଲା । ଡାକ୍ତରଖାନାରେ ପହଂଚିବା ପୂର୍ବରୁ ଘନ ମୁଣ୍ଡା ମୃତ୍ୟୁ ବରଣ କରିଥିଲେ । ଆହତ ଯୁବକ ଏବେ ଭଦ୍ରକ ଡାକ୍ତରଖାନାରେ ଚିକିତ୍ସାଧିନ ଅଛନ୍ତି । ଏନେଇ ଭଦ୍ରକ ଟାଉନ୍ ଥାନାରେ ଅପମୃତ୍ୟୁ ମାମଲା ରୁଜ୍ଜୁ ହେବା ସହ ଶବ ବ୍ୟବଚ୍ଛେଦ କରାଯାଇଛି ।