ପିଲାଟିଏ ଗଛଟିଏ କାର୍ଯ୍ୟକ୍ରମ
ବେଗୁନିଆପଡା,(ଯୁଗାବ୍ଦ ନ୍ୟୁଜ୍) : ବେଗୁନିଆପଡା ବ୍ଲକ ଅନ୍ତର୍ଗତ ଶାଙ୍କୁଡ଼ା ଧବଳେଶ୍ୱର ବିଦ୍ୟାପୀଠ ପରିସରରେ ଜାତୀୟ ସବୁଜ ବାହିନୀ (ଇକୋ କ୍ଲବ) ଆନୁକୂଲ୍ୟରେ ପିଲାଟିଏ ଗଛଟିଏ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଗ୍ରାମ ପରିକ୍ରମା କରାଯାଇ ପରିବେଶ ସୁରକ୍ଷା ବାର୍ତ୍ତା କରାଯାଇ ଗ୍ରାମ ସଫେଇ କରାଯାଇଥିଲା।ଏହା ପରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଦେବରାଜ ମହାପାତ୍ରଙ୍କ ଅଧ୍ୟକ୍ଷତାରେ ଏକ ପଥପ୍ରାନ୍ତ ସଭା କରାଯାଇ ପରିବେଶ ସଚେତନତା, ପରିମଳ ଓ ପାଇଖାନା ନିର୍ମାଣ ପାଇଁ ସଚେତନତାର ବାର୍ତ୍ତା ପ୍ରଦାନ କରିଥିଲେ। ଜିଲ୍ଲା ପରିଷଦ ସଦସ୍ୟ ଶ୍ରୀ ପ୍ରଫୁଲ୍ଲ ଚନ୍ଦ୍ର ତିଆଡ଼ି, ସରପଞ୍ଚ ଶ୍ରୀ ସନ୍ତୋଷ କୁମାର ସାହୁ, ଇକୋ କ୍ଲବ ସଂଯୋଜକ ଶ୍ରୀ ନୀଳକଣ୍ଠ ଦାସ ଯୋଗ ଦେଇଥିଲେ।ଶେଷରେ ଅତିଥିମାନଙ୍କ ଦ୍ୱାରା ଛାତ୍ରଛାତ୍ରୀଙ୍କୁ ଚାରା ବଣ୍ଟନ କରାଯିବା ସହ ବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଥିଲା। ଏହି କାର୍ୟ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ, କର୍ମଚାରୀ ଉପସ୍ଥିତ ରହି ପିଲାମାନଙ୍କୁ ଊତ୍ସହିତ କରିଥିବା ବେଳେ ଶିକ୍ଷକ ଶ୍ରୀ ଅନିଲ କୁମାର ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।
