ଚୋରା ମଦ ଜବତ , ଅଭିଯୁକ୍ତ କୋର୍ଟ ଚାଲାଣ

ନାଉଗାଁ ,(ଯୁଗାବ୍ଦ ନ୍ୟୁଜ୍) ନାଉଗାଁ ଥାନା ଅଧିନ ଓଷକଣା ପଂଚାୟତର ପୂର୍ବ ଓଷାକଣା ଗ୍ରାମରୁ ପୋଲିସ ବିପୁଳ ପରିମାଣର ଚୋରା ମଦ ଜବତ କରିବା ସହ ଅଭିଯୁକ୍ତଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଥିବା ଜଣାପଡିଛି । ଅସାଧୁ ଚୋରା ମଦ ଜବତ ହୋଇଥିବା ବ୍ୟକ୍ତିଙ୍କ ପରିଚୟ ଜୟୀରାମ ନାୟକ ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ଦୀର୍ଘ ଦିନ ଧରି ଜୟୀରାମ ଅସାଧୁ ଉପାୟରେ ମଦ ବେପାର ଚଳାଇଥିଲେ । କୈାଣସି ବିଶ୍ୱସ୍ଥ ସୂତ୍ରରୁ ପୋଲିସ ଖବର ପାଇ ନାଉଗାଁ ଥାନା ଭାରପ୍ରାପ୍ତ ଅଧିକାରୀ ବିବେକାନନ୍ଦ ସାହୁ ,ଏସଆଇ ପ୍ରତାପ ଦାସ ,ସ୍ମୃତି ରଂଜନ ମହାପାତ୍ର ,ବିକ୍ରମ ସ୍ୱାଇଁ ପ୍ରମୁଖ ସଦଳବଳେ ଚଢାଉ କରିଥିଲେ । ଅଭିଯୁକ୍ତଙ୍କୁ ଗିରଫ କରିବା ସହ ଥାନା ପକ୍ଷରୁ ୧୨୯/୧୯ ରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଥିବା ଜଣାପଡିଛି ।