ତପ୍ତପାଣି ଘାଟିରେ ଦୁର୍ଘଟଣା ଜଣେ ଗୁରୁତର ୩ଜଣ ଆହତ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ସାନଖେମୁଣ୍ଡି ବ୍ଲକ୍ ଟି ଗୋବିନ୍ଦପୁର ପଞ୍ଚାୟତ ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟିରେ ମର୍ମନ୍ତୁଦ ଦୁର୍ଘଟଣା ଘଟିଥିବା ଜଣାପଡ଼ିଛି। ଜଣେ ଗୁରୁତର ହୋଇଥିବା ବେଳେ ୩ ଜଣ ଆହତ ହୋଇଥିବା ଜଣାପଡ଼ିଛି।ସୂଚନା ପ୍ରକାରେ ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟିରେ କାର ଟି ଭାରସାମ୍ୟ ହରାଇ ଗଛ କୁ ଧକ୍କା ମାରିବା ଫଳରେ ଦୁର୍ଘଟଣା ରେ ଜଣେ ଗୁରୁତର ହୋଇଥିବା ବେଳେ ୩ ଜଣ ଆହତ ହୋଇଥିବା ହୋଇଛନ୍ତି । ଆହତଙ୍କୁ ଗ୍ରାମବାସୀ ଉଦ୍ଧାର କରି ଦିଗପହଣ୍ଡି ମେଡିକାଲରେ ପ୍ରାଥମିକ ଚିକିତ୍ସା କରାଇଥିଲେ । ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି ।ତେବେ ଓଆର୦୨ଏଏମ୍୧୨୭୫ ନମ୍ବର ଉକ୍ତ କାର୍ଟି ଭୁବନେଶ୍ବରରୁ କୋରାପୁଟ ଯାଉଥିବା ବେଳେ ତପ୍ତପାଣି ଘାଟି ଖେମୁଣ୍ଡି ଖୋଲ ନିକଟ ଏକ ଗଛକୁ ଭାରସାମ୍ୟ ହରାଇ ପିଟି ହୋଇଥିବା ଜଣାପଡ଼ିଛି। ଏହି କାର୍ରେ ୫ ଜଣ ରହିଥିଲେ । କାର୍ଟି ଘଟଣାସ୍ଥଳରେ ରହିଥିବା ବେଳେ ପାଟପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରୁଥିବା ସୂଚନା ମିଳିଛି।
