ଯାଜପୁର ଡ଼ାକ କର୍ମଚାରୀ ସଂଘ ଶାଖାର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ

ଯାଜପୁର, (ଯୁଗାବ୍ଦ ନ୍ୟୁଜ):ଯାଜପୁର ସ୍ଥିତ ଗୈାତ୍ତମ ବୁଦ୍ଧ ସଂସ୍କୃତି ଭବନ ପରିସରରେ ଜାତୀୟ ଡ଼ାକ କର୍ମଚାରୀ ସଂଘ ଯାଜପୁର ଶାଖାର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଯାଜପୁର ଡ଼ାକ ମଣ୍ଡଳର ଡ଼ାକ ଅଧିକ୍ଷକ ଅଶୋକ କୁମାର ରଥ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ଜାତୀୟ ଡ଼ାକ କର୍ମଚାରୀ ସଂଘର ଓଡ଼ିଶା ପରିମଣ୍ଡଳ ସମ୍ପାଦକ ମନୋଜ କୁମାର ପାଣିଗ୍ରାହୀ ଯୋଗଦେଇ ଡ଼ାକ କର୍ମଚାରୀ ମାନଙ୍କୁ ମାର୍ଗ ଦର୍ଶନ କରିଥିଲେ । ଡ଼ାକ କର୍ମଚାରୀ ସଂଘ ଯାଜପୁରର ସମ୍ପାଦକ ଶଶୀକାନ୍ତ ମହାରଣାଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମରେ ଉପଅଧିକ୍ଷକ ହରିଶଙ୍କର ସୁବୁଦ୍ଧି, ପୋଷ୍ଟ ମାଷ୍ଟର ନିତ୍ୟାନନ୍ଦ ଶର୍ମାଙ୍କ ସମେତ ପୁରୀ ଜିଲାର ସମ୍ପାଦକ ସରୋଜ କାନ୍ତି ଦେ, ରାଜ୍ୟ ପରିମଣ୍ଡଳ ସମ୍ପାଦକ ଗୈାତ୍ତମ ଦାସ ପ୍ରମୁଖ ଏହି ସମାବେଶରେ ଯୋଗ ଦେଇ ଡ଼ାକ କର୍ମଚାରୀ ମାନଙ୍କର ସମସ୍ୟା ସମାଧାନ ଦିଗରେ ସରକାର ଆଗଭର ହେବା ପାଇଁ ଆହ୍ୱାନ ଦେଇଥିଲେ । ଏହି ଅବସରରେ ୪ଜଣ ଯାଜପୁର ଡ଼ାକ ମଣ୍ଡଳର କର୍ମଚାରୀଙ୍କୁ ସଂଘ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଥିଲା ।