ତିନିଗୋଟି ବାଲିଟ୍ରକ ଜବତ

ଭଣ୍ଡାରିପୋଖରୀ, (ଦୁର୍ଯ୍ୟଧନ ଲେଙ୍କା) : ଭଣ୍ଡାରିପୋଖରୀ ତହସିଲ ପକ୍ଷରୁ ତିନିଗୋଟି ବାଲିଟ୍ରକ ଜବତ କରାଯାଇଛି। ଗାଡି ତିନୋଟି ସ୍ଥାନୀୟ ବୈତରଣୀ ନଦୀରୁ ବାଲି ବୋଝେଇ କରି ଆସୁଥିବା ବେଳେ ତହସିଲଦାର ସରୋଜକାନ୍ତ ନାୟକଙ୍କ ନିର୍ଦେଶ କ୍ରମେ ଜାତୀୟ ରାଜପଥ ଉପରେ କର୍ମଚାରୀ ମାନେ ଏହାକୁ ଅଟକ ରଖିଥିଲେ। କାଗଜପତ୍ର ଯାଂଚରୁ ଏଥିରେ ବେଆଇନ ବାଲି ପରିବହନ ହେଉଥିବା ଜଣାପଡିଥିଲା। ବେଆଇନ ଭାବେ ଲଘୁ ଖଣିଜ ଦ୍ରବ୍ୟ ପରିବହନ କରୁଥିବା ନେଇ ଜୋରିମାନା ଆଦାୟ ପରେ ଟ୍ରକ ତିନୋଟିକୁ ଛଡ଼ାଯିବ ବୋଲି ଜଣାଯାଇଛି।